Astana qalasy «Qazanat» ıpodromy aýmaǵynda at jarysy ótip jatyr dep habarlaıdy Qamshy.kz tilshisi.
Jarysqa elimizdiń 14 oblysy men Astana jáne Almaty qalalarynan, RF, Qyrǵyzstan, Ózbekstan men Polshadan qatysýshy shabandozdar kelgen.
EKSPO-2017 kórmesi aıasynda Qazaqstan Respýblıkasynyń Prezıdenti N.Á. Nazarbaevtyń júldesine at sporty túrlerinen «EKSPO KÝBOGY» ótip jatyr. Jarys barysynda jınalǵandar alaman báıge, top báıge, jorǵa jarysy, qunan báıge sıaqty ulttyq óner túrlerin tamashalaýda. Sharanyń uıymdastyrýshylary Almaty oblysynyń ákimdigi, QR Mádenıet jáne sport mınıstrligi, QR «Ulttyq sport túrleri qaýymdastyǵy» men «Qazaqstannyń báıge túrleri qoǵamy» boldy. Jarys joǵary deńgeıde ótkizilip otyr. At jarysyn kórýge shamamen bes myńdaı adam jınaldy degen aqparat bar.
Osy oraıdan Qamshy tilshisi QR Mádenıet jáne sport mınıstrligi, sport jáne dene shynyqtyrý isteri komıtetiniń tóraǵasy Qanaǵatov Elsıar Baımuhamedulyn sózge tartty.
«EKSPO-2017 kórmesi aıasynda 18 sporttyq jarys ótedi, sonyń eń mańyzdysy Elbasymyzdyń júldesine ótetin at báıgesi kýbogy. Jarys baǵdarlamasynda alaman báıge – 25 shaqyrym, top báıge – 15 shaqyrym, jorǵa attar jarysy – 7 shaqyrym, qunan báıge – 7 shaqyrym, 2400 jáne 1800 metrge ushqyr attar jarysy (gladkıe skachkı) ótedi. Ulttyq oıyn túrleri alaman báıge, top báıge, jorǵa attar jarysy, qunan báıge josparlanǵan.
Jarystyń úzilis kezinde djıgıtovka, teńge ilý, jamby atý, qyz qýý sıaqty ulttyq sport túrlerinen kórsetilimder uıymdastyrylady.
Árbir oblystyń mádenı kúnderinde 2 kún ulttyq sport baǵdarlamalaryn kórsetedi. Kókpardan birinshi ret álem chempıonaty tamyz aıynda ótkizilgeli jatyr. Halyqaralyq mamandandyrylǵan EKSPO-2017 kórmesi aıasynda Qazaqstan Respýblıkasynyń Prezıdenti N.Á. Nazarbaevtyń júldesine at sporty túrlerinen «EKSPO KÝBOGY» ótedi. Aýdaryspaqtan, jamby atýdan halyqaralyq jarys ótedi. Senbi, jeksenbi kúnderi etno aýyldan ulttyq sport túrleri kórinisterin tamashalaı alady», - dedi Qazanat» ıpodromyndaǵy qarbalastyq týraly Qanaǵatov.
«Qazanat» ıpodromy aýmaǵyna esigin aıqara ashqan «ETNOAÝYL» ulttyq-mádenı kesheni erekshe bolmaq.
Keshen ártúrli baǵyttaǵy sektorlardan turady. Olar kelgen qonaqtardy ulttyq qolónermen, dastarqan mázirimen sporttyq oıyndarymen, qazaq halqynyń salt-dástúrlerimen tanystyrady.
Búginnen bastap 10 qyrkúıekke deıin «ETNOAÝYL» non-stop rejıminde jumys isteıdi. Munda túrli festıváldar, kórmeler, at sporty oıyndary ótedi.
Sport jáne dene shynyqtyrý komıteti tóraǵasy Elsıar Baımuhamedulynyń aıtýynsha, ushqyr attar jarysy boıynsha (2400 jáne 1800m) syıaqy qory – 63mln 600myń teńgeni (200 myń doll.) qurady. Ulttyq jarys túrleriniń syıaqy mólsheri – 36 mln teńge (115 myń doll.). Soma júldegerler arasynda 5-shi orynǵa deıin bólinip beriledi. Jeńimpazdar men júldegerlerdi saltanatty marapattaý jarys aıaqtalǵan soń júrgiziledi.
Erlan Tóleýbaı
