«Astana EKSPO-2017» kórmesi aýmaǵynda Ulybrıtanıa pavılony kelýshilerge esigin ashty dep jazady Qamshy.kz

Óziniń ınovasıalyq mádenıetimen tanystyrýǵa kelip otyrǵan Ulybrıtanıa pavılonynyń taqyryby jalpy kórmeniń ustanǵan baǵytymen úndes. Brıtandyqtar «Energıa – ol biz» degen uranmen ózderiniń energıa jáne taý-ken salasyndaǵy ǵylymı jáne ınjenerlik tájirıbesimen bólisip, jumystarymen tanystyrady.

Munda kelýshiler kórmeniń ortasyna qaraı qarańǵy dálizben ótedi. Aýmaǵy 17 metr, 40 myń pıkseldi panoramalyq ekranda aınaladaǵy tabıǵı álem kórsetilgen. Bul grafıka 8 myń kompútermen jasalǵan. Eger jaqyndap qaraıtyn bolsańyz, aǵashtardaǵy japyraqtardyń qozǵalatynyn baıqaýǵa bolady. Panoramanyń ishinde qazaqtyń kıiz úıiniń sáýletimen jasalǵan shyny qurylym bar. 200-ge jýyq ýyq tektes polıkarbonatqa qoldy tıgizse, sol sátte-aq jaryq janyp, dybys paıda bolady. Aınaladaǵy panoramadaǵy beıne kúnnen túnge, kúnnen túnge birtindep aýysady. Osylaısha, avtorlar tabıǵatqa energıany adam syılaıtynyn jetkizgisi kelgen.