Sısılıa turǵyny Karmıne Barbaronyń Qazaqstanda turyp jatqanyna 24 jyl bolǵan. Sýretshi bolyp Qazaqstanda jumys isteıtin Karmıne qazaqtyń tarıhynyń tereńde jatqanyna tańqalýdan sharshamaıtynyn jetkizdi. Qazaqstandaǵy sheksiz múmkindikterdi de tilge tıek etti. Jaqyn arada Karmıne Tarazda ótken Halyqaralyq «Uly dala kókjıegi» atalatyn sımpozıýmda «Qazınform» aqparat agenttiginiń jýrnalısine suhbat berdi. Karmıne óziniń Qazaqstannyń azamattyǵyn alatynyn málimdedi dep habarlaıdy Qamshy aqparattyq agenttigi.

«Men bul memleketke ǵashyqpyn! Jolym túsip 1993 jyly osynda keldim de, qalýǵa sheshim qabyldadym. Basynda ózimniń birinshi áıelimmen keldim. Ol bul jaqta turǵysy kelmeı, ketip qaldy. Birneshe jyl ótken soń qaıta úılendim. Meniń áıelim- qazaq. Esimi-SHarbat Barbaro. Áıelim Qasteev atyndaǵy murajaıda jumys isteıdi. Úılengenimizge 12 jyl boldy. Azamattyǵym áli de bolsa Italıaniki, al osy jyly naqty oılanyp júrmin. Qazaqstannyń azamattyǵyn alatyn da ýaqyt jetti» dep málimdedi sýretshi Karmıne.

Aıtsa ketsek, profesor Karmıne Barbaro Qazaqstan Respýblıkasynyń tanymal sýretshileriniń biri, QR sýretshiler Odaǵynyń múshesi. Onyń qylqalamynan týǵan sýretter Italıa, AQSH, Kanada syndy elderde jáne Qazaqstandaǵy Qasteev atyndaǵy Memlekettik óner murajaıynda ilinip tur. 

Sholýshy: Aıgerim TAÝBAI