10 maýsym kúni Astana qalasynda halyqaralyq EKSPO-2017 kórmesi ashyldy. Alaıda, uıymdastyrýshylar barlyǵyn daıyndap úlgermegen sekildi. Kórmeni tamashalaýǵa kelgen qonaqtar las ájethanalar men tym joǵary baǵaǵa qatysty shaǵym bildirýde, dep habarlaıdy Qamshy aqparattyq agenttigi Total.kz saıtyna silteme jasap.

Áleýmettik jeli qoldanýshylarynyń aıtýynsha, EKSPO-2017 kórmesiniń aımaǵynda 10  maýsym kúni ashylý saltanaty bolǵanmen halyq tym az bolǵan.

Astana qalasynyń turǵyny óziniń qyzymen saǵat 11:00 shamasynda kórmeni tamashalaýǵa kelgen.  Onyń aıtýynsha, ol jerde halyq tym az jáne ájethanalardyń eshqaısysy da paıdalanýǵa daıyn bolmaǵan, tamaq satyp alatyn jerler jumys istemeı turǵan.

«İshetin sý alatyn jer bar, alaıda tamaq alyp jeıtin birde-bir jer joq. Kishigirim dúńgirshekterde adamdar tamaq satyp turǵan, alaıda olar tym az jáne de barlyq adamǵa jetpeıdi. Búgin EKSPO-nyń alǵashqy kúni, al olar áli tolyq daıyn emes. Jarty lıtr kola sýsyny men jaı aýyz sýy 300 teńge, al qarapaıym kofeniń ózi 1000 teńge turady», - deıdi kórmeni tamashalaýǵa kelgen áıel.

Sholýshy: Nazerke Labıhan