Aǵymdaǵy jyl basynan beri elimizdiń aqsha aıyrbastaý pýnktterinde EO eýrosyna suranys artqan. Orta eseppen, elimizde 400 mıllıon ($449 mıllıon) eýro satylǵan. Bul ótken jyldyń kórsetkishine qaraǵanda 70,4 paıyzǵa artyp otyr, dep habarlaıdy Qamshy aqparattyq agenttgi Massaget.kz saıtyna silteme jasap.

Eýroǵa suranys Qazaqstannyń basty qalalarynda artqan. Al AQSH dollarynyń satylym kólemi 25,6 paıyzǵa tómendesa, Reseı rýbliniń Qazaqstannyń valúta naryǵyndaǵy aınalymy 4 paıyzǵa túsken.

El azamattary 2017 jyldyń alǵashqy 4 aıynda 386,2 mıllıon eýro satyp alǵan. AQSH dollary birshama qunyn joǵaltqannan keıin, oǵan degen suranys tómendegen. Al sońǵy bir aptada amerıkalyq valúta quny artyp keledi. Demek oǵan degen suranys ta arta túspek.

Almaty qalasynyń turǵyndary sáýir aıynda 276,6 mıllıon AQSH dollaryn (ótken jyl sáýirimen salystyrǵanda 8,5 paıyzǵa kem) satyp alǵan bolsa, Astanada 67,3 mıllıon AQSH dollary satylǵan. Al úshinshi oryndy $38,5 mıllıon qarjymen OQO ıemdendi. Jyl basynan AQSH dollaryna degen suranystyń 61,1 paıyzy eki megapolıs enshisine tıesili.

Al eýro satylymy boıynsha da Almaty men Astana aldyńǵy orynda tur. Jalpy suranystyń 61,6 paıyzyn atalǵan eki qala qamtamasyz etken. Almatylyqtar ótken jyldyń sáýir aıyna qaraǵanda 47,1 paıyz kóp eýro satyp alǵan. Al Astana turǵyndary 21,7 mıllıon eýro (ótken jyldyń sáýir aıymen salystyrǵanda 16,4 paıyzǵa kóp) satyp alǵan. Ońtústik Qazaqstan oblysynda sáýir aıynda 7.5 mıllıon eýro satylǵan. Bul ótken jyldyń kórsetkishinen 7,1 paıyzǵa artyq.