Kez-kelgen úıinde kishkentaı balasy bar adam maıda zattar men oıynshyqtardyń balaǵa qanshalyqty qaýipti ekenin túsinetini anyq. Alaıda balanyń osyndaı zattardy aýzyna salmaýyn qadaǵalaý azdyq etedi. Djordj Asan esimdi er adamnyń qyzy maıda saǵat batareıkasyn jutyp qoıǵan. Áý basta eshqandaı belgiler bilinbegen.
Francheska esimdi Asannyń 2 jasar qyzy qarapaıym batareıkany jutyp qoıǵan. Alaıda ol qaqalmaǵan, tynys ala almaı qınalmaǵan. Qyzdyń ishine barǵan metal tottanǵan, nátıjesinde ishki aǵzalar zaqymdalyp qan ketken.
«Qyzymdy joǵaltyp alýym maǵan qatty aýyrǵa soǵýda. Men ózimniń kinámdi sezinýdemin. Biz eshqandaı kúdikti nárse baıqamadyq. Ol batareıkalar salynǵan qorapshany taýyp alǵan da ony aýzyna salǵan»-deıdi marqum qyzdyń ákesi.
Jalpy, kúndelikti ómirde biz saǵatqa, pleerge, oıynshyqtarǵa, teledıdar púltine salynatyn batareıkalardy jıi qoldanamyz. 2014 jyldyń ózinde AQSH-ta osyndaı maıda zattardy jutýǵa baılanysty 3400 jaǵdaı oryn alǵan.
Bala batareıkany jutyp qoısa ony tez arada rentgenge túsirtý kerek. Sebebi batareıka tamaqqa nemese asqazanǵa turyp qalyp tamaqpen reaksıa túsedi, nátıjesinde kaýstıkalyq soda paıda bolady. Ol ishtegi qansyraýdy týdyrady. Osynyń barlyǵy bar joǵy 2 saǵattyń ishinde júzege asady. Sondyqtan mundaı tótenshe jaǵdaıǵa ushyraǵan ata-ananyń ýaqyty óte az.
Sholýshy: Nazerke MUSA
