AQSH-ta eki prokýror prezıdent Donald Tramptyń ústinen sheteldik kiristeri úshin sotqa shaǵym túsirmek, dep habarlaıdy Qamshy aqparattyq agenttigi sheteldik BAQ málimetine súıenip.

 Merılend shtatynyń prokýrory Karl Reısın men  Kolýmbıa okrýgynyń ókili Braıan Froshtyń aıtýynsha, Tramp sybaılas jemqorlyqqa qarsy zańdy buzǵan. Óıtkeni ol bılik basyna kelgennen keıin óziniń jeke kásibin uldaryna beretinin málimdese de onymen aınalysýyn toqtatpaǵan. Aıyptaýshylardyń málimdeýinshe, eger federaldy sot isti qaraýǵa kirisse Aq úı basshysy syrtqy saýda kelisimderi kólemin baǵalaý úshin salyq deklarasıalaryn jarıalaýy kerek. Sondyqtan is joǵarǵy sotqa deıin jetedi degen boljam bar. Al AQSH zańnamasyna sáıkes, memlekettik qyzmetkerlerge sheteldik úkimetterden syıaqy alýǵa tyıym salynǵan.
 

Sholýshy: Aıgerim Taýbaı