Almatyda óz balasyn qorǵamaq bolǵan 35 jastaǵy áıel bóten balany úıiniń aýlasynda sabady, - dep habarlaıdy Qamshy aqparattyq agenttigi Tengrinews.kz saıtyna silteme jasap.

Qalalyq İİD-niń resmı ókili Saltanat Ázirbektiń aıtýynsha, bul derek sotqa deıingi tergeýlerdiń biryńǵaı reestrinde tirkelgen. Polısıadaǵylar oqıǵanyń 6 maýsymda bolǵanyn aıtyp berdi. 10 jastaǵy bala soqqyǵa jyǵylǵan. Ony 13 jastaǵy balanyń sheshesi urǵan. Áleýmettik jelilerde vıdeobaqylaý kamerasyna túsirilgen vıdeo paıda boldy. 

Rolık avtorynyń aıtýynsha, balalar bastapqyda tóbelesip qalǵan, osydan keıin bireýiniń sheshesi janjalǵa aralasqan. 

"2017 jyldyń 6 maýsymynda bul derek tirkelip, Áýezov aýdandyq İİB JPQ ýchaskelik ınspektorynyń óndirisine berildi. Balanyń alǵan jaraqatynyń deńgeıin anyqtaý úshin sot-medısınalyq saraptama taǵaıyndaldy, onyń qorytyndysy alynǵannan keıin 1982 jylǵy azamatshaǵa qatysty qylmystyq is sotqa joldanady", - dedi İİD ókili Saltanat Ázirbek.