Spaldıng qalasynyń turǵyndary 49 jastaǵy Elızabet Edvards pen 13 jastaǵy Ketı úlken qyzynyń qolynan kóz jumdy.Tergeý barysynda anasy men sińilisiniń ólimine úlken qyzy Kım men onyń jigiti Lýkas Markhem kináli ekeni dáleldendi. Jasóspirimder Elızabet pen Ketıdi óltirgennen keıin, basseıinde shomylyp, jynystyq qatynasqa túsken.

     Kımniń aıtýy boıynsha anasy sińilisin qatty jaqsy kórgen, al úlken qyzyn múldem elemegen. Kım 6 jasta bolǵanda teledıdar qarap jatqany úshin anasy ony betinen urǵan. Osy jaǵdaıdan keıin balalardy asyrandy otbasyǵa tapsyrǵan. Biraz ýaqyttan keıin eki qyz óz týǵan januıasyna qaıtaryldy. Basqa balalar sekildi bos ýaqytynda teledıdar qarap, anasynan taıaq jegeniń Kım eshqashan umytqan emes. Osy ýaqytqa deıin anasynan kek alý ýaqytyn kútip júrgen.

     Anasyn óltirýge ıtermelegen sońǵy urys sáýir aıynda bolǵan. Elızabet balalarynyń ákesimen qarym-qatynas ustaýyna qarsy bolǵan. Ákesimen kóriskeni úshin Kımdi jazalap otyrǵan. Al Kım bolsa ákesiniń súıikti qyzy bolǵanyń únemi bilgen. Sońǵy urysta anasy qyzyna: «nashaqor ákenniń ómiri seni de kútip tur» deýi jasóspirimniń ashýyn keltirgen.  Sonymen qatar, Elızabet qyzynyń jigitin de unatpaı oǵan únemi til tıgizýmen bolǵan. Eki ǵashyq mektepte tanysqan. Lýkas buzaqy bolsa da, árdaıym Kımniń qasynan tabylyp, onyń qamqorshysyna aınalǵan.

     Bir kúni Lýkas ázil retinde anasyn óltirýdi usyndady, biraq Kım ony shyndap qabyldaǵan. Keshke qaraı Lýkas qyzdardyń jatyn bólmesindegi terezeden kirip,  ózimmen birge asúılik pyshaqtardy ákeledi. Sol kezde Kım anasyn sosyn sińilisin pyshaqtap óltiredi. Osyndaı oqıǵadan keıin óz-ózderine qol jumsamaqshy bolady, alaıdy teledıdardyń aldynda táttilerdi jeý olarǵa durysyraq kóringen.

     Jasóspirimderdi eki adamnyń ólimine sebepker boldy degen aıyppen 17 jylǵa túrmede qamaldy. Kım anasyn óltirgennen keıin anasy men sińilisi bul dúnıede bolmaǵanyna qatty qýandy. Sebebi endi eshkimnen urys estimeı, eshkimnen taıaq jemeıdi.

Sholýshy: Sabına RAMAZAN