Áleýmettik jelide polıseılerdi balaǵattaǵan pavlodarlyq jarty mıllıon teńgeden astam aıyppul tóleýi múmkin.

Pavlodar oblystyq İİD-niń baspasóz qyzmeti usynǵan aqparatqa súıensek, Vkontakte áleýmettik jelisindegi «Tıpıchnyı Pavlodar» qaýymdastyǵynda paıdalanýshylardyń biri quqyq qorǵaý organdarynyń ókilderine til tıgizgen. Bul týraly Qamshy aqparattyq agenttigi Pavlodar jańalyqtaryna silteme jasap habarlaıdy.

 Polısıa qyzmetkerlerin balaǵattaǵany úshin tártip saqshylary oblys ortalyǵynyń 26 jastaǵy turǵynyn anyqtady jáne qamaýǵa aldy. - 26 jastaǵy áıel adam óziniń áreketteri zańsyz ekenin sezine otyryp, polısıa qyzmetkerleriniń ar-namysyna tıetin turpaıy leksıka qoldanǵan.

 Buzaqylyqqa jol bergen azamatsha qamaýǵa alynyp, óz kinásin moıyndady. Atalmysh fakti boıynsha QR QPK 378-baby boıynsha sotqa deıingi tergep-tekserý taǵaıyndaldy. Ol 300 AEK-ge deıin aıyppul tóleý túrinde jaýapkershilikke tartylýy múmkin. Sondaı-aq zańǵa sáıkes 240 saǵattyq merzimge deıingi qoǵamdyq jumystarǵa tartylady nemese 75 táýlikke deıin qamaýǵa alý jazalary qaralǵan, - deıdi baspasóz qyzmetinde.
 

Sholýshy: Aıgerim TAÝBAI