Búgin Almaty qalasynyń qorǵanys isteri jónindegi departamentiniń uıymdastyrýymen "Qarýly Kúshterde BAQ-pen jumys joldaryn úılestirý" atty dóńgelek ústel ótti. 

İs-sharanyń maqsaty - Qazaqstan Respýblıkasy Qarýly Kúshteriniń bedelin arttyrý, halyq arasynda armıada ótkiziletin is-sharalardy keńinen taratý jáne áskerdiń oń bolmysyn qalyptastyrýǵa baǵyttalǵan aqparattyq-nasıhattyq is-sharalardy júzege asyrý. Sondaı-aq Qarýly Kúshteriniń ımıjin kóterý, áskerı qyzmettiń abyroıy men bedelin arttyrýǵa BAQ qyzmetiniń róli zor bolǵandyqtan BAQ ókilderimen tyǵyz baılanys jasaý bolyp tabylady. Almaty qalasynyń jergilikti áskerı basqarý organdarynyń baspasóz qyzmetiniń hatshysy qyzmeti 2015 jyly ashylǵanyn atap ótken jón.

Dóńgelek ústelde "Túrkitildes jýrnalıser qory" qoǵamdyq qorynyń prezıdenti. Qazaqstandaǵy Áıel jýrnalıser klýbynyń jetekshisi. "Ynta men yntymaq" qoǵamdyq qorynyń dırektory Názıa Joıamergenqyzy "Kásibı ımıj jáne BAQ" taqyrybynda sheberlik sabaǵyn ótkizdi. Dóńgelek ústelde BAQ jumystarynyń negizgi tetikteri talqylanyp, qatysýshylar óz oılaryn aıtty. İs-shara sońynda "Túrkitildes jýrnalıser qory" qoǵamdyq qorynyń prezıdenti Názıa Joıamergenqyzyna Qarýly Kúshterdiń ımıjin kóterýge atsalysqany úshin Almaty qalasynyń qorǵanys isteri jónindegi departamentiniń baspasóz qyzmetiniń bastyǵy maıor Novıkova Krıstına madaqtama tapsyrdy.

Qarlyǵash Musabekqyzy, Almaty qalasynyń qorǵanys isteri jónindegi departamenti