Pavlodar oblysynda «Kóknár» esirtkige qarsy operasıasyn ótkizý barysynda polıseıler elimizdiń ońtústik óńirinen esirtki tasymaldaýyna tosqaýyl qoıdy, dep habarlaıdy pavlodarnews.kz. Oblystyq İİD baspasóz qyzmetiniń málimetinshe, kúdikti retinde QR QK-niń 297-baby, 3-bóligine sáıkes 32 jastaǵy turǵyn ustaldy. Esirtki satýdy kózdegen er adamnan 100 keli «marıhýana» tárkilendi. Alynǵan zańsyz aınalymnyń quny 12 mıllıon teńgeni quraıdy. Onyń 1,5 mıllıon teńgeden astam turatyn bir rettik dozasynyń saýdalaýyna jol berilmedi.

Budan basqa, esirtki bıznesine qarsy kúres qyzmetkerleri esirtki satý jáne ótkizýmen aınalysatyn 23, 30 jáne 33 jastaǵy úsh oblys turǵynynan turatyn qylmystyq topty qolǵa túsirdi. Olardan úsh keliden asa «gashısh» esirtki quraly alyndy. Zańsyz aınalymnyń quny 1,5 mıllıon teńgeni quraıdy. Onyń ishinde 100 myńnan asa bir rettik dozasyn satýdyń joly kesildi. - Qazirgi ýaqytta QR QK-niń 297-baby, 3-bóliminde qarastyrylǵan qylmys belgileri boıynsha sotqa deıingi tergeý júrgizilýde. Sanksıa boıynsha kúdiktilerdiń múlki tárkilenip, 15 jylǵa deıin bas bostandyǵynan aıyrý túrinde jaza qarastyrylýda. Barlyq kináli azamattar Pavlodar qalasy ishki ister basqarmasynyń ýaqytsha ustaý ızolátoryna qamaldy, - dedi departamentte.