EKSPO bastala salysymen jezóksheler Astanada shet tilin meńgerip alǵan. Sol sebepti de alatyn aqysynyń qunyn qymbattatyp jiberipti. Olarǵa jeńgetaılar da ashyqtan ashyq kómektese bastaǵan.

Olardyń erkinsigeni sonshalyq qazirgi qasıetti Ramazan aıynda da aıylyn jımaı tur, dep habarlaıdy Qamshy aqparattyq agenttigi Evrazıa arnasyna silteme jasap.

Astanadaǵy temir jol vokzalynyń mańynda jezókshelerdiń qyzmetin usynǵan qyz-kelinshekterden aıaq alyp júrý múmkin emes. Qyz bazary qyzyp tur.

«Bizge qytaılar, túrikter keledi. Jezókshelik qyzmet kórsetetin 1996, 1997 jylǵy qazaq qyzdary», – deıdi jeńgetaıdyń biri.

İshki ister qyzmeti EKSPO-ǵa baılanysty qoǵamdyq tártipti retke keltirdik dep esep bergenimen, bári báz baıaǵy qalpy. Ózgergen bir ǵana nárse – jezóksheler klıentterin renjitip almas úshin shet tilin meńgergen.

«Mende 4 qyz bar. Olardy usynýǵa uıalmaısyzdar. Bári qazaq qyzdar. Oryssha biledi, aǵylshyn tiline de túsindire alady. Bári ádemi qyzdar», – deıdi jeńgetaı.

Elordaǵa keletin myń san qonaqtan dámeli jezókshelerdiń qyzmet quny da sharyqtap ketken. Intımdik saıttardaǵy jarnamalar boıynsha olardyń birqataryna qońyraý shalyp kórdik.

«Bizde qytaı tilin biletin qyzdar bar. Bir túnge 150 myń teńge. Bir saǵatqa 20 myń teńge», -deıdi ıntımdi qyzmet kórsetýshiler.

Vokzal mańyndaǵylarmen salystyrǵanda ınternet jarnamalardaǵy qyzdardyń qyzmeti qymbat.

Bizdiń astarly suraqtarymyzdan shyrqy buzylǵan jeńgetaılardyń jaıy polıseı qyzmetkerlerine de belgili bola qaldy. Kameranyń qudiretinen seskengen olar jumys istegen syńaı tanytyp, vokzal mańynda qaptap ketti.

Al, jýyrda elordalyq SPID (JITS) ortalyǵy qaladaǵy jezókshelerdiń venerologıalyq aýrýlarǵa shaldyqqanyn jarıalady.

Tánin saýdalaǵandarǵa elimizde eshqandaı jaza joq. Olardyń tek qujatyn tekserip, tirkeýge qoıǵannan basqa zańdy shara qabyldanbaǵan.