Sársenbi kúni «Astana EKSPO-2017» UK basqarma tóraǵasy «Vremá» gazetiniń tilshisine bergen suhbatynda Qyrǵyzstan prezıdentiniń aıtqanyna kúle jaýap berdi.
Eske sala keteıik, Almazbek Atambaev qyrǵyz eliniń jaǵdaıyn aıta kele, elimizde ashylǵan kórme jaıyn sóz qylǵan: «Eger men kórmeniń uıymdastyrylýyna Astana sekildi 3 mlrd. dollar jumsaǵanymda, meni tirideı órtep jiberetin edi».
Qyrǵyz basshysynyń aıtqan sózine qatysty tilshiler Ahmetjan Esmiovtiń pikirin suraǵan edi, ol búı dedi:
«Qyrǵyz halqy óz prezıdentterine ne isteıtinin bilmeımin. Bizde prezıdenttiń ár bastamasy halyq tarapynan qashan da qoldaý taýyp otyrady. Men ózim aınalysyp otyrǵan joba boıynsha, mynany aıtqym keledi: EKSPO nysandarynyń qurylysyna 3 mlrd emes, 1,3 mlrd dollar qarjy jumsaldy. Kórip otyrǵandaryńyzdaı, bul nysandar óte sapaly jáne uzaq merzimdi. Ol Qazaqstan halqyna ondaǵan jyldar boıy qyzmet etedi, qalanyń kórkine aınalady jáne jumsalǵan qarjynyń ornyn toltyrady. Búgingi kúnniń ózinde demeýshilerden, bılet satýdan, jalǵa berýden, lısenzıalyq-ınvestısıalyq qyzmetten, jarnamadyn, turaqtardyn, qarjyny durys baǵyttaý nátıjesinde túsken qarjy kólemi 70 mlrd tengeni ıaǵnı 220 mln dollardy qurap otyr. Sondyqtan kórme týraly Atambaev myrzanyń qolyndaǵy derekter shyndyqtan alys jatqanyn aıtqym keledi».
Sholshýy: Gúlim Jaqan
