Aıtýly eki ǵalymnyń zertteýleriniń nátıjesi boıynsha adamnyń mıy «bıologıalyq kompúter» bolyp tabylady. Al adamnyń sanasy – kvanttyq kompúterdi basqaratyn baǵdarlama. Adamnyń  sanasy-mı ishinde ornalasqan. Ol adam dúnıeden ótkennen keıin de óz jumysyn toqtatpaıdy.

Sarapshylardyń aıtýynsha , adamnyń júregi toqtap qalsa da, jany tirshiligin toqtatpaıdy.

Búkil álem zertteýshileri adam janynyń tirshiligin toqtataýy jaıynda jyldar boıy zertteýler júrgizip keledi. Jaqyn arada bir top ǵalymdar adam jany dúnıeden ótken soń da, adam mıy óziniń tirshiligin toqtatpaıdy  dep habarlady.

1996 jyldan beri amerıkalyq fızık , anestezıologıa men psıhologıa salasynda eńbek etip júrgen Stúart Hameroff jáne Oksford ýnıversıtetiniń fızık-matematıgi Rodjer Penroýz sananyń kvanttyq teorıasy salasynda zertteý jumystaryn júrgizgen. Zertteý nátıjesinde adam jany mıdyń mıkrobýtýlasynda ornalasqan.

Ǵalymdar bul qubylysty Orchestrated Objective Reduction — Orch-OR dep ataǵan.

Teorıa negizinde adamdar «klınıkalyq ólimge» kezikkende mı ishindegi mıkrotýbýl óziniń kvanttyq esin joǵaltady, soǵan qaramastan adam mıyndaǵy bar aqparatty saqtap qalady.

Doktor Hamerofftyń aıtýy boıynsha: «Adamnyń júregi toqtaıdy, tamyrlardan qan júrýin toqtatady, mıkrotýbýldar óziniń kvanttyq kúıin joǵaltady. Soǵan qaramastan mı ishindegi kvanttyq aqparat saqtalady. Mundaı jaǵdaıdy adam klınıkalyq ólimge ushyrady dep aıtady. Ondaı jaǵdaıda kvanttyq aqparat adam janynan bólinip, Jer betine qaıta oralady».

Sholýshy: Aıgerim Taýbaı