Taldyqorǵanda Medısına qyzmetkerleri kúni qarsańynda saltanatty jıyn ótip, jyl qortyndysy boıynsha úzdik dárigerler men medısına mekemeleri anyqtaldy, dep habarlaıdy Qamshy aqparattyq agenttigi QazAqparatqa silteme jasap. 

Almaty oblysynyń úzdik dárigeri bolyp İle aýdandyq aýrýhanasynyń hırýrgıa bóliminiń meńgerýshisi Aıdyn Elikbaev tanyldy. Al oblystaǵy úzdik aýyl dárigeri ataǵyn Taldyqorǵan qalasyna qarasty Erkin aýyldyq ambýlatorıasynyń meńgerýshisi Áskerbek Oralbaev jeńip aldy.

Ekeýine de oblys ákimi Amandyq Batalov «Lada Granta» kóliginiń kiltterin tabystady. Sondaı-aq óńir basshysy úzdik densaýlyq saqtaý mekemelerine qarjylaı syılyqtar tapsyrdy.

Jalpy Almaty oblysynyń densaýlyq saqtaý salasynda 19 myń adam eńbek etedi. Turǵyndarǵa 600-den astam medısınalyq mekeme sapaly qyzmet kórsetip keledi. Sońǵy 5 jylda densaýlyq saqtaý salasyna bólinetin qarjy kólemi 59 paıyzǵa ósip, 2017 jyly 83,6 mlrd teńgege jetti. 2017-2018 jyldar aralyǵynda 22 medısınalyq nysan salý josparlanyp otyr.