Martın Pıstorıýs deni saý azamat bolyp dúnıege kelgen.Ońtústik Afrıkanyń týmasy ózge balalar sekildi mektepte oqyp, balalyq shaqtyń qyzyǵyna batyp júredi. Alaıda 1988 jyldyń qańtarynda aıaq astynan tamaǵynyń aýryp júrgenin aıtady. Ata-anasy tamaǵyna sýyq tıgen dep asa mán bermegen.
Birneshe aı ótken soń Martınniń jaǵdaıy burynǵydan nasharlaı túsedi. Aıaǵy qozǵalýdan bas tartyp, sóıleýi de buzylady. Dárigerler balanyń jaǵdaıyn qansha teksergenimen, ne bolǵanyn ózderi de túsine almady. Eshqandaı dıagnoz qoıa almaǵandyqtan qoldaryn bir siltedi. Tek boljam retinde krıptokokkoz menıngıti degen dıagnoz qoıdy.
Sóıtip dárigerler balaǵa esh kómek kórsete almaıtyndaryn aıtyp, aýrýhanadan shyǵarady. Balanyń óir súrý ýaqyty az qaldy dep, ata-anasyna sol ýaqytqa deıin qamqor bolýyn eskertken.
Sol kúnnen bastap otbasynda jańa tártip ornady: ákesi tań atpaı uıqysynan oıanyp, Martındi jýynydyryp, kıindirgen. Martın ózdiginen tamaqatana almaǵandyqtan, tamaqty oǵan qasyqtap beretin. Odan keıin arnaıy terapevtik ortalyqqa aparatyn, ortalyqta bala tańnan keshke deıin bolýy tıis edi, al ákesi janynda júretin. Keshke qaıtadan jýyndyryp, tamaqtandyryp, uıyqtatatyn. Túnde ár eki saǵat saıyn ákesi balasyn aýnatyp turatyn, sebebi qozǵalmaı jata bergennen balanyń denesi úıip qalady.
Birneshe jyldan soń balanyń sanasy oıana bastaıdy. Tek bul jaıynda eshkim bilmegen, sebebi Martın bárin estip-bilse de, sóıleı almaǵan. İshteı aıqaılaıtyn, jylaıtyn, biraq ony eshkim estimeıtin.
Birde Martınniń anasy balasynyń ólgenin qalaıtynyn aıtyp qaldy. Aýrý balalary otbasyna ábden sasyl bolǵan kórinedi. Ol Martındi eshteńe estimeıdi dep oılaǵanymen, bala bárin bilip jatty. Bul kez Martınniń ómirindegi eń qıyn sátterdiń biri boldy.
Martınniń jasy 25-ke tolǵanda terapevtik ortalyqtyń qyzmetshisi jigittiń erekshe qımyldaryn baıqaıdy, ol kózqarasy arqyly qyzǵa ishindegisin túsindrigisi kelgen. Iaǵnı, Martınniń jaǵdaıy jyldan-jylǵa jaqsaryp keledi degen sóz.
Muny bilgen anasy jumysynan shyǵyp, kelesi 2 jylyn tek balasynyń janynda ótkizedi. Martın aýrýynan aıyqty, biraq sóıleı almaıdy. Óz oıyn arnaıy kompúterlik baǵdarlama arqyly jetkizetin.
Sóıtip Martın kompúter tilin meńgerip, veb-dızaıner bolyp jumysqa ornalasady. Ápkesi Martındi óziniń qurbysy Djoanmen tanystyrady. 2009 jyly eki juptyń úılený toıy ótedi.
Sholýshy: Sabına Ramazan
