Ýkraına NATO quramyna kirýge ótinish bermeýdi sheshti, - dep habarlaıdy Tengrinews.kz. Bul týraly Brússeldegi konferensıada uıymnyń bas hatshysy Iens Stoltenberg málimdegen.
"Býharestegi samıtte biz Ýkraına men Grýzıa NATO múshesi bolatynyn málimdegimiz keldi. Sodan beri Ýkraına ótinish bermeýdi sheshti, bul kún tártibinde turǵan joq", - dedi Stoltenberg. Onyń aıtýynsha, osy sebepti Ýkraınanyń NATO-ǵa múshelik etý máselesi kún tártibinde turǵan joq. Ol "uıymnyń ashyq esik saıasatyn qoldaıtynyn" aıtty. "Ár el múshelikke ótinish berýdi ózi sheshýi kerek", - dedi bas hatshy.
Aıta keteıik, qyrkúıek aıynyń aıaǵynda Ýkraına Syrtqy ister mınıstrliginiń spıkeri Evgenıı Perebıınıs eldiń 2014 jyly qarashada NATO quramynan tys erekshe mártebe alýy múmkin ekenin málimdegen. Buǵan deıin Ýkraına prezıdenti Petr Poroshenko NATO elderimen árekettestikti joǵarylatý úshin AQSH-tan erekshe qaýipsizdik mártebesin berýdi suraǵan bolatyn. Sondaı-aq ol Reseıge qarsy sanksıany kúsheıtýdi suraǵan. Keıinnen ol Ýkraına AQSH-tyń NATO-dan tys arnaıy odaqtasy mártebesin almaǵanyn habarlady. Reseı bıligi Ýkraınanyń NATO-ǵa múshelikke qabyldanbaýyna asa múddeli bolyp otyr.
Qamshy-aqparat
