Sıngapýr búginde álemdegi eń taza, qaýipsiz ári ekonomıkalyq áleýeti joǵary elderdiń birine aınaldy, bul el ondaı dárejege kóshede qoqys tastaǵandar qomaqty aıyppul tólep, zań aldynda jaýap beretin temirdeı tártip arqyly jetken. Bul týraly QazAqparat jazdy. Sıngapýrlyqtar: «Tazalyqty ustaný óskeleń urpaqtyń densaýlyǵyna da oń áserin tıgizedi», - dep esepteıdi eken.
«Tazalyq - densaýlyq kepili». Jergilikti halyqtyń ustanymy - osy. Óıtkeni mektep tabaldyryǵyn attaǵan árbir sıngapýrlikke bul týraly arnaıy dáris ótkiziledi. Ári qaraı ol joǵary oqý oryndarynda jalǵasady. Qanattary qatpaı turyp sanalaryna sińirgen qaǵıdaǵa sáıkes, sıngapýrlikter úı, qoǵamdyq oryndardaǵy tazalyq sharalaryn erekshe saqtaýǵa tyrysady. Bir jaǵy, zańǵa baǵynady. Bul elde bótelkeni qoqys jáshigine tastamaǵanyńyz úshin quny 500 Sıngapýr dollary bolatyn aıyppul tóleýge týra keledi. Sondaı-aq, qoǵamdyq oryndar men kóshelerde tamaqtaný, saǵyz shaınaý, temeki tartýǵa ruqsat etilmeıdi.
1992 jyldan bastap el úkimeti saǵyzdy paıdalaný men tasýǵa tyıym salǵan. Sondyqtan, ony dúkenderde taba almaısyz. Saǵyzdy shaınaý men kóshege laqtyrǵan jaǵdaıda, belgili bir mólsherdegi aıyppul salynady. Al qoǵamdyq kólikterdiń ishinde treın aıaldamalaryna kelsek, jolaýshynyń qarny ashyp, aptap ystyqta shóldese de sabyrlylyq saqtaýyna týra keledi. Óıtkeni, bul áreket qaltadan qaǵylýǵa jol berýi múmkin.
Temekini tartýǵa ruqsat etilgen jerler. Bul talap eskerilmese, quny 1000 Sıngapýr dollary turatyn aıyppul tólenedi. Al qaıtalansa, aıyppul mólsheri kóbeıedi. Tipti, nátıje bolmasa, qatań túrdegi jaza shyǵarylady. Túrmege qamaıdy. Zań solaı. Mine, osyndaı qatal zańymen Sıngapýr eli qoǵamda tártip ornatyp qana qoımaı, qarapaıym dúnıelerdi eskerý arqyly deni saý urpaq pen ekonomıkalyq órkendeýge qol jetkizýge bolatynyn kórsetýde. Bizdiń elimizde birneshe jyl buryn qoǵamdyq oryndarda shylym tartýǵa tıym salynǵanymen quqyq qorǵaýshylardyń ásire tekserisinen keıin alynyp tastalyp edi.
Qamshy-aqparat
