Astana bıyl qatty qysty basynan ótkeredi. Qazan aıynyń qara sýyǵynan keıin qarasha aıynyń alǵashqy eki aptasynda kún jaýyn-shashyndy bolyp, jylylyq saqtalady. Alaıda, qarashanyń úshinshi onkúndiginde aıaz kúshine enedi. Sınoptıkterdiń boljamynsha, túnde aýa temperatýrasy – 26° tómendese, kúndiz – 20° deıin sýytady.
Astana qalasy «Qazgıdromet» RMK Aýa raıyn uzaq merzimge boljaý basqarmasynyń basshysy Gúlmıra Ardashqyzy: «Jeltoqsan aıy sýyq bolady dep boljanýda. Bul kezde aýa temperatýrasy túnde – 25 ° - 30 °, kúndiz – 20 ° - 25 ° tóńireginde bolady. Uzaq merzimdi boljam boıynsha Jańa jyldy ushqyndy qarmen jáne aıazdy kúndermen qarsy alýymyz ábden múmkin. Qatygez qys bizdiń klımatymyz úshin úırenshikti. Eshqandaı aýytqýsyz deýge bolady. 2012 jyly jeltoqsan aıynyń 15-de qaqaǵan aıaz – 40 ° jetken bolatyn. Dál osy 15 jeltoqsanda eń tómengi mınımým -44 ° jetti. Biz osyndaı qaqaǵan aıazdy kútip otyrmyz», - dep Astana turǵyndaryna aldyn ala eskertý jasady.
Baq.kz-tiń jazýynsha, qańtar aıynda qys qaharyna minedi. Bul kezde aýanyń synap baǵanasy – 43° jetedi. Kúndiz – 25° – 30° aıaz saqtalady. Al, kóktemde qubylmaly aýa raıy saqtalyp, sýyq kúnder kóktemniń jaıma shýaq kúnderimen almasýy yqtımal.
Qamshy-aqparat
