Elorda polıseıleri QHR azamatshasyna Astanadaǵy saýda-oıyn-saýyq ortalyǵynyń aýmaǵynda joǵaltqan qymbat zergerlik buıymyn taýyp, qaıtaryp berdi, dep habarlaıdy QazAqparat. Elordanyń ishki ister departamentine shetel azamattarynan polıseılerdiń jedel áreketi úshin alǵys sózder kelip túsýde. 25 maýsym kúni saǵat 13.00-de aýmaqtyq İİB polıseı-jedel ýákili saýda-oıyn saýyq ortalyǵynyń aýmaǵynan iri kólemdegi aqsha somasynyń chegi bar zergerlik buıym men sertıfıkat  taýyp alǵan. Krımınaldyq polısıa qyzmetkerleri qymbat buıymnyń ıesin jedel anyqtaǵan. Ol «MEGA Silk Way» OSO-dan qymbat metal men tastan jasalǵan bilezikti satyp alyp, baıqamaı joǵaltyp alǵan QHR azamatshasy bolyp shyqty.  Qajetti prosesýaldyq áreketterdi júrgizgennen keıin baǵaly áshekeıdi, ıaǵnı altyn men asyl tastan jasalǵan bilezikti ıesine qaıtaryp bergen. Ol polıseılerge alǵysyn bildirdi.