Almaty qalasynyń Tilderdi damytý basqarmasy Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn iske asyrý jónindegi Almaty qalasynyń 2017-2019 jyldarǵa arnalǵan is-sharalar josparyn júzege asyrý maqsatynda jáne Almaty qalasy ákimdiginiń «Memlekettik qyzmetshi kúnin ótkizý jónindegi is-sharalar josparyna» sáıkes memlekettik basqarý organdary men mekemelerinde jumys isteıtin mamandar arasynda «Memlekettik til – meniń tilim» atty qalalyq baıqaý ótkizedi dep habarlaıdy Qamshy aqparattyq agenttigi.

Baıqaýdyń maqsat-mindetteri: qazaq tiliniń qoldanylýyn damytý, memlekettik til saıasatyn nasıhattaý. Memlekettik basqarý organdary men mekemeleri qyzmetkerleriniń qazaq tilinde sóıleý mádenıetin qalyptastyrý, sheshendik qabiletin damytý, memlekettik tilde jumys isteıtin mamandardy kótermeleý.

Baıqaý bes kezeńnen («Jadymyzdaǵy jaılar» kezeńi – suraq-jaýap, «Qazaq sózi» kezeńi – til týraly qanatty sózder, maqal-mátelder, aıtýly tulǵalardyń til týraly aıtqan oılaryna baılanysty tapsyrma, «Jer-sýdyń aty – tarıhtyń haty» kezeńi – Qazaqstannyń tanymal jerlerine baılanysty tapsyrmalar, «Máseleniń mán-jaıy» kezeńi – til máselesine baılanysty ózekti oılar talqysy, «Máńgilik El – Mártebeli til» kezeńi – shyǵarmashylyq kezeń) turady. Ár kezeńde qatysýshylar oıdy jetkize bilý sheberligi men sóıleý mádenıetin kórsetýi tıis.

Baıqaýdyń qazylar alqasy quramyna memlekettik mekemeler men qoǵamdyq uıymdardyń resmı ókilderi enedi.

Baıqaýdyń júldesi: Birinshi, ekinshi, úshinshi júldeli oryn alǵandarǵa tıisti dárejedegi dıplomdar men baǵaly syılyqtar, qatysýshylarǵa alǵys hattar men estelik syılyqtar tapsyrylady.