Búgin EKSPO aıasyndaǵy Ulybrıtanıa kúni atap ótilýde, dep jazady Qamshy aqparattyq agenttigi.

Sputnik Qazaqstan jańalyqtarynyń habarlaýynsha, Elızaveta İİ patshaıymnyń inisi, álemdegi alǵashqy EKSPO kórmesiniń negizin qalaýshy hanzada Alberttiń urpaǵy, Joǵary Mártebeli Gloster gersogi, hanzada Rıchard EKSPO-2017 kórmesindegi Ulybrıtanıa Ulttyq kúnin saltanatty túrde ashty. 

"Búgin Orta Azıada alǵash ret ótkizilip otyrǵan EKSPO kórmesine qatysqanyma qýanyshtymyn. Ózderińizge belgili, alǵashqy EKSPO Ulybrıtanıada 1851 jyly ótken bolatyn. Onyń negizin qalaýshy meniń arǵy atam hanzada Albert boldy. Kórmege alty mıllıon adam qatysqan. Ol kórmede faks-mashına, daýyl boljaǵysh sıaqty ónertabystar alǵash ret usynylǵan edi. EKSPO erkin saýda múldem joq zamanda jańa ekonomıkalyq baılanystar qurý maqsatynda uıymdastyrlǵan bolatyn. Bul dástúrdiń 21 ǵasyrda da jalǵasyn taýyp jatqany, árıne, qýantarlyq jaıt", — dedi hanzada. 

EKSPO kórmesindegi ulttyq kúndi atap ótý úshin QR burynǵy syrtqy ister mınıstri, Qazaqstannyń Ulybrıtanıadaǵy elshisi Erlan Ydyrysov ta keldi. 
 

Mádenı baǵdarlama aıasynda kórme kesheni aýmaǵynda London zamanaýı balet teatrynyń qoıylymdary, shotland volynkalarynyń konserti ótedi. Al Manchester Ýnıversıtetiniń grafen týraly tehnologıalyq shoýy baǵdarlamanyń kórkin odan saıyn asha túspek.  

Budan bólek, pavılonǵa kelýshilerge arnap sán kórsetilimi, "Brassroots" jaz tobynyń konserti uıymdastyrylady, al Garrı Potter tabynýshylary ol týraly shytyrman oqıǵalardy qazaq jáne orys tilderinde tyńdaıtyn bolady.