Jeli qoldanýshylary áleýmettik jelidegi jazbalary úshin jaýapqa tartylady dep habarlaıdy Qamshy aqparattyq agenttigi. 

«Buqaralyq aqparat quraldary týraly» Qazaqstan Respýblıkasynyń zańyna sáıkes   ǵalamtor kózi  buqaralyq aqparat quraldarynyń menshigine  júkteledi. Iaǵnı ǵalamtor jelisine  jarıalanǵan aqparattar BAQ-nyń enshisine tıesili. 

«Áleýmettik jelilerge  júktelgen  aqparattardyń senimdiligi tekserilip, belgilengen talaptarǵa sáıkes kelýi tıis. Sondaı-aq, jeli qoldanýshylarynyń, jeke jáne zańdy tulǵalardyń  quqyqtary qorǵalýǵa mindetti», - dep málimdedi Albına Áten.

Sonymen qatar Qazaqstan Respýblıkasy qylmystyq kodeksiniń  274 babyna sáıkes áleýmettik jeliler arqyly  qoǵamdyq qaýipsizdikti buzyp, qater týdyrýshylarǵa, jeke bas quqyǵyn taptaýshylarǵa  bes myń aılyq eseptik kórsetkishke deıin aıyppul tóleý nemese dál osy mólsherde qoǵamdyq jumysqa  salý jazasy nemese  eki jyldan bes jylǵa deıin bas bostandyǵynan aıyrý jazasy belgilengen. 

Sholýshy: Aqerke Maratqyzy