«Qazaqmys korporasıasy» JSHS men Qazaqstan Jazýshylar odaǵy jyl saıynǵy «Balaýsa» báıgesine baıqaý jumystaryn qabyldaý bastaldy, - dep habarlaıdy Qamshy.kz korporasıanyń baspasóz qyzmetine silteme jasaı otyryp.

Báıgeniń maqsaty – balalar ádebıetine qoldaý kórsetý arqyly búgingi zaman talabyna saı shyǵarmalardyń jazylýyna yqpal etý, sol arqyly balalardy qarshadaı kezinen óz

uǵymdaryna laıyq ádebı týyndylarmen molynan sýsyndatyp, týǵan elge, ata-anaǵa, dos pen baýyrǵa degen súıispenshilikterin qalyptastyryp, ultjandy, ónegeli, bilimqumar bolyp ósýine negiz qalaý.

Dástúrge aınalǵan «Balaýsa» báıgesi mektep jasyna deıingi búldirshinderge arnalǵan qazaq tilindegi úzdik ádebı shyǵarmalardy anyqtaýǵa arnalǵan. Byltyrǵy jyly ádilqazylardyń qaraýyna 195 avtordan 220-dan astam eńbek kelip túsken bolatyn. Jeńimpazdardyń shyǵarmalary «Baldyrǵan» balalar ádebı-kórkem jýrnaly betterinde jarıalandy. Ádilqazylar eskertedi: ótken jyly báıgege qatystyrylǵan jumystar qaıta qaralmaıdy.

«Balaýsa» báıgesiniń Erejesi qazaq tilinde shyǵatyn birqatar BAQ-da jaryq kóredi. Báıgege qatystyrylatyn shyǵarmalar 2015 jyldyń 10 aqpanyna deıin qabyldanady. Baıqaýǵa joldanǵan shyǵarmalardy «Qazaqmys korporasıasy» JSHS men Qazaqstan Jazýshylar odaǵynyń ókilderinen quralǵan ádilqazylar alqasy qarastyryp, jeńimpazdardy anyqtaıdy. Báıgeniń qorytyndysy 2015 jyldyń 2 sáýiri kúni jarıalanady.

Báıge jeńimpazdary aqshalaı syılyqtarǵa ıe bolady, al olardyń shyǵarmalary birqatar respýblıkalyq basylymdarda jaryq kóredi.