Jaqynda «Mereı» baspasynan aqyn Aýyt Muqıbetiń «Kósh, Kóshke kim ósh» atty 30 baspa tabaqtan turatyn kólemdi jınaǵy basylyp shyqty.

Avtor «Bul kitabymdy Qazaqstan Respýblıkasynyń tuńǵysh Prezıdenti, Ult Kóshbasshysy, Shette tarydaı shashyrap júrgen bes mıllıon qazaqtyń Alladan keıingi panasy Nursultan Ábishuly Nazarbaevqa arnadym!»- depti.

Aqyn bul eńbeginde azattyq tańy atysymen birge kóp-kórim bastalyp, sońǵy jyldary tizgini qańtarylyp, toqyraýǵa ushyraǵan qazaq kóshiniń kókeıtesti máselelerin, shette qalyp bara jatqan qandastarymyzdyń qyl ústinde turǵan qıyn taǵdyryn jan-jaqty qaýzaıdy. El birligin, ult tutastyǵyn tý etip kóteredi. Shekara syrtyndaǵy qazaqtardy Qazaqstanǵa oraltýdyń mańyzyn túsindirip, joldaryn usynady. Sol arqyly qazaq dalasynda shynaıy táýelsiz, birtutas ulttyq memleket qurýǵa degen óziniń azamattyq ustanymyn, kózqarasyn bildiredi.

Ekinshi bir qyrynan qaraǵanda, «Kósh, Kóshke kim ósh?!» kitaby arpalysqa toly, aıqaı-shýy kóp, joly aýyr qazaq kóshiniń táýelsizdikten bergi shırek ǵasyrdaǵy qundy shejiresi ispetti.

Sonymen birge, jınaqqa, ult rýhyn asqaqtatqan Tumanbaı, Jánábil, Jaqyp bastaǵan tulǵalar jónindegi bir bólim tebireniske toly esseler men ádebı syn maqalalar da engen.

Kitaptyń  taralymy 2000 dana.