Qazaqstandaǵy jańa Medıaodaqtyń negizin qalaýshylardyń biri Armanjan Baıtasov «Úrker» syılyǵynyń laýreattaryn marapattaý salatanatyna qatysty dep habarlaıdy Qamshy aqparattyq agenttigi.

Atap aıtqanda, bıznesmen syılyqty «Úzdik óńirlik basylym» nomınasıasynda jeńimpaz atanǵan «Reıtıń» gazetiniń ókiline tabys etti.

«Barshalaryńyzdy merekemen - Jýrnalıser kúnimen quttyqtaımyn. Osy sátti paıdalanyp, tamasha syılyqty uıymdastyrǵan mınıstrlikke alǵysymdy bildirgim keledi. Búgin syılyq alǵan barlyq jeńimpazdardy jáne bul syılyqqa usynylǵandardy quttyqtaǵym keledi. Ereń eńbekterińiz jáne Qazaqstan jýrnalısıkasyna qosyp otyrǵan úlken úlesterińiz úshin rahmetimdi aıtamyn», - dedi ol.

Baıtasovtyń aıtýynsha, bul, onyń osyndaı is-sharalarǵa ekinshi qatysýy.

«Shynymdy aıtsam, bıyldyqqa osyndaı tamasha is-sharaǵa ekinshi ret qatysyp otyrmyn - kóktemde «Tumar» syılyǵyn tapsyrǵan bolatynbyz. Mınıstrlik kóp nárse atqarýda jáne bul jumys óte mańyzdy. Men ózim kóptegen syılyqtardy ótkizgen bolatynmyn jáne onyń medıa-qoǵamdastyq úshin qanshalyqty mańyzdy ekendigin bilemin», - dep atap ótti ol.

«Búgin óte mańyzdy kún ekendigin atap ótkim keledi - 28 maýsymda Qazaqstannyń Medıaodaǵy quryldy. Bizdiń medıa-keńistik kemeldene tústi jáne ózimizdiń qoǵamdyq uıym paıda boldy. Medıaortalyqtyń keleshegi zor bolatynyna úmittenemin jáne qoǵamymyz jańa uıymǵa qoldaý bidiredi degen senimdemin», - dep túıdi Armanjan Baıtasov.

Eske salaıyq, 28 maýsym kúni elimizdiń tanymal medıabasshylary men jýrnalıser toby «Qazaqstan Medıaodaǵy» qoǵamdyq uıymy qurylǵanyn jarıalaǵan bolatyn. Osy kúni odaq quryltaıshylarynyń alǵashqy jınalysy ótti.

Odaq quryltaıshylarynyń arasynda «QazAqparat» HAA Bas dırektory Asqar Ýmarov, Armanjan Baıtasov, Erlan Bekhojın, Erlan Qarın, Shámshıdın Páteev, Nurtóre Júsip, Nurjan Muhamedjanova, Batyr Qazybaev, Dana Ormanbaeva, Aıdar Jumabaev, Vıktor Kıanısa, Mıhaıl Dorofeev, Arman Shoraev jáne Beıbit Álibekovter bar.  

Sholýshy: Ásem Álmuhanbet