Májilis Spıkeri Nurlan Nyǵmatýlınniń tóraǵalyǵymen Palatanyń osy sesıadaǵy sońǵy jalpy otyrysy ótti dep habarlaıdy Qamshy qaparattyq agenttigi QR Parlamenti Májilisi Apparatynyń Baspasóz qyzmetine silteme jasap.
Osyǵan baılanysty sesıa jumysyn qorytyndylaǵan Májilis Tóraǵasy bul sesıa Májilis tarıhyndaǵy eń mańyzdy kezeńderdiń biri bolǵanyn atap ótti.
Osy rette N. Nyǵmatýlın Qazaqstan táýelsizdiginiń 25 jyldyq mereıtoıyna, Elbasynyń bastamasymen júrgizilgen konstıtýsıalyq reformaǵa basa kóńil bóldi.
Ony sapaly zańmen qamtamasyz etý úshin, sondaı-aq, Prezıdenttiń Joldaýynda, «100 naqty qadam» Ult josparynda, «Qazaqstan - 2050» Strategıasynda aıtylǵan basym baǵyttardy zańnamalyq qamatamsyz etý jolynda atqarylǵan jumystarǵa toqtaldy.
Aıta ketsek, atalǵan kezeńde Májilistiń 38 jalpy otyrysy ótip 226 másele qaralǵan. Palata 84 zań jobasyn qarap, Senatqa joldady.
Sondaı-aq, 16 «úkimettik saǵattar», 2 Parlamentttik tyńdaý, 25 «dóńgelek ústelder», 17 kóshpeli otyrystar men 4 halyqaralyq ǵylymı-tájirıbelik konferensıalar uıymdastyrylǵan.
Májilis Tóraǵasy atap ótken taǵy bir úlken ózgeris ol – Májilis jumysynyń ashyq bolýy.
-Ózderińiz jaqsy bilesizder, sesıa ashylǵan kúnnen bastap, jalpy otyrystar jáne Úkimet saǵattary «onlaın» rejımde búkil respýblıkaǵa kórsetildi. Bul Májilis jumysynyń burynǵydan da ashyq jáne sapaly bolýyna zor yqpal etti. Sonymen qatar, bizde ótken sharalarǵa memlekettik organdarmen birge, qoǵamdyq uıym músheleri, Májiliske kirmegen partıalar qatysyp, bizdiń Májilis shyn máninde erkin-pikir ortalyǵyna aınaldy. Osynyń barlyǵy bizdiń judyryqtaı jumylyp, birlese jasaǵan jumystarymyzdyń nátıjesi,-dedi Nurlan Nyǵmatýlın.
Al, búgingi jalpy otyrysta Májilis depýtattary EAEO-qa múshe memleketter arasyndaǵy qyzmettik jáne azamattyq qarýdy ótkizý týraly kelisimdi ratıfıkasıalaýǵa qatysty zań jobasyn maquldady.
Ruqsat berý qujattaryn Eýrazıalyq ekonomıkalyq komısıa bekitetin biryńǵaı nysan boıynsha múshe memleketterdiń quzyretti organdary beredi. Ol múshe memleketterdiń zańnamasynda belgilengen tártippen jáne merzimderde beriledi.
Jeke tulǵa ań aýlaýǵa qatysý kezinde paıdalaný úshin azamattyq qarýdy áketkenge deıin keminde 10 kún buryn múshe memlekettiń zańnamasynda kózdelgen, ań aýlaýǵa qatysýdy rastaıtyn qujattyń kóshirmesin qosa tirkeı otyryp, jazbasha túrde habarlaıdy.
Sondaı-aq búgin jergilikti ózin-ózi basqarýdy damytý máseleleri boıynsha túzetýlerge qatysty zań jobasy boıynsha Májilis pen Senat arasyndaǵy kelisim komısıasynyń usynystary maquldandy.
Májilis osy kúni keıbir zańnamalyq aktilerge olardy Konstıtýsıa normalaryna sáıkes keltirý máseleleri boıynsha tútýlerge qatysty zań jobasy boıynsha Senat engizgen ózgeristerge kelisim bildirdi.
Sholýshy: Ásem Álmuhanbet
