KHDR Ońtústik Koreıanyń eks-prezıdenti Pak Kyn He men ońtústik Koreıa barlaý qyzmetiniń basshysy Lı Ben Hony syrttaı ólim jazasyna kesti, dep jazady Qamshy aqparattyq agenttigi.

Phenán olardy Soltústik Koreıa basshysy Kım Chen Ynǵa qastandyq jasamaq bolǵany úshin aıyptap, Seýlden eki sottalýshyny berýdi talap etti.

KHDR aqparattyq agenttiginiń málimetinshe habarlaýynsha Pak Kyn He men Lı Ben Ho 2015 jyly Soltústik Koreıa basshysy Kım Chen Yndi óltirmekshi bolǵan.

Soltústik Koreıa agenttiginiń habarlaýynsha, Pak Kyn He men Lı Ben Hony ólim jazasyna kesý týraly jarlyq Memlekettik qaýipsizdik mınıstrligi jáne KHDR ortalyq prokýratýrasy men qoǵamdyq qaýipsizdik mınıstrliginiń birlesýimen qabyldanǵan.

Aıta keteıik, Pak Kyn He prezıdenttikten 2017 jyldyń naýryz aıynda ımpıchment nátıjesinde ketken bolatyn. Qazirgi tańda onyń ústinen jemqorlyq, qyzmetin asyra paıdalaný, memlekettik qupıalardy jarıa etý syndy baptar boıynsha qylmystyq is qozǵalǵan.