Májilis Spıkeri Nurlan Nyǵmatýlın Reseı Federasıasy Federaldyq Jınalysy Federasıa Keńesi Tóraǵasynyń orynbasary, QR Parlamenti Senaty depýtattaryn saılaý barysyn baıqaýǵa qatysqan TMD PAA baıqaýshylar tobynyń úılestirýshisi Ilás Ýmahanovpen kezdesti dep habarlaıdy Qamshy aqparattyq agenttigi.  

TMD PAA ókilderine óz alǵysyn jetkize kelip, N. Nyǵmatýlın bizdiń elimizdiń halyqaralyq standarttarǵa sáıkes ashyq, jarıaly, ádil saılaý ótkizýge aıryqsha mán beretinine toqtaldy.

Óz kezeginde I. Ýmahanov: - Eldiń joǵary zań organynyń saılaý naýqany mańyzdy saıası oqıǵa. Onyń ústine Qazaqstan Prezıdenti Nursultan Nazarbaev usynǵan saıası reformadan keıin Parlamenttiń ókileti artýyna baılanysty bul saıası naýqannyń ózektiligi burynǵydan arta tústi,-dep atap ótti.

Taraptar sondaı-aq, Qazaqstan men Reseı qarym-qatynasyna qatysty mańyzdy suraqtar boıynsha pikir almasty. Parlamentaralyq yntymaqtastyqty nyǵaıtýǵa da basa nazar aýdardy.

Sholýshy: Ásem Álmuhanbet