Qazaqstan Respýblıkasy Ulttyq bankiniń esebine sáıkes, aqshany jarıa etý úshin ekinshi deńgeıli bankterde 17 jınaq shot ashylǵan. Bul týraly búgin «Múlikti jekeshelendirý jáne jarıa etý barysy» týraly ótken Ortalyq komýnıkasıalar qyzmetiniń kezekti brıfıńinde QR Qarjy mınıstrligi Memlekettik kirister komıtetin qadaǵalaý departamentiniń dırektory Arǵyn Qypshaqov málim etti.

«2014 jylǵy qarashadaǵy jaǵdaı boıynsha, Qazaqstan Respýblıkasy Ulttyq bankiniń esebine sáıkes, aqshany jarıa etý úshin ekinshi deńgeıli bankterde 17 jınaq shot ashyldy. Osy shottarǵa 2 mlrd teńge aqsha túsken. Jınaq shottarynan 372 mln teńge shyǵaryp alynyp, osy somadan aqshany jarıa etý úshin búdjetke 37 mln teńge alym tólendi», - dep habarlady ol.

A.Qypshaqovtyń aıtýynsha, aksıa bastalǵanǵa deıin barlyq aımaqtarda múlikti jarıa etý boıynsha komısıalar qurylǵan.

Jergilikti atqarýshy organdar janyndaǵy komısıalarǵa múlikti jarıa etý úshin 7096 ótinish kelgen. Osy ótinishterdiń jalpy somasy 57 mlrd teńge. Komısıalar 1379 nysandy jarıa etý týraly sheshim qabyldady. Sheshimderdiń jalpy somasy 8 mlrd teńge», - dep tolyqtyrdy ol.