Úlken Almaty aınalma tas jolynyń salynýy 2015 jyly bastalady.

Bul jóninde QR Ulttyq ekonomıka mınıstri Erbolat Dosaev «Memlekettik-jekemenshik áriptestik jobalary arqyly ınfraqurylymǵa jeke ınvestısıalardy tartý» forýmynda málimdedi.

- Qazir biz «Úlken Almaty aınalma tas joly» jobasyn jasaýdy aıaqtaǵaly jatyrmyz. Qarasha aıynyń ortasyna deıin ınvestorlarǵa usynatyn qujattar paketin tolyq daınydap, 9 jeltoqsan Eýropa qaıta qurý jáne damý banki men Halyqaralyq qarjy korporasıasynyń qoldaýy arqyly tikeleı ınvestorlarmen jıyn ótkizýdi josparlap otyrmyz, - dedi.

Atalmysh jobanyń kelesi jyly júzege asyrylatyndyǵyn aıtqan mınıstr: - «Úlken Almaty aınalma tas joly» jobasynyń baıqaýy eki kezeńnen turatyn bolady. Ol jobanyń 2-3 jyl daıyndyq ýaqytyn 6-9 aıǵa qysqartýǵa múmkindik beredi, - dep atap ótti.

Aıta keteıik, búgin Astanada «Memlekettik-jeke menshik áriptestik jobalary arqyly ınfraqurylymǵa jeke ınvestısıalardy tartý» forýmy ótýde. Forýmnyń sońynda «Úlken Almaty aınalma tas joly» jobasy tanystyrylady.