Qazirgi ýaqytta Aýyl sharýashylyǵy mınıstrligi uıymdastyrǵan aýyl sharýashylyǵy ónimderin júzege asyrý jármeńkesiniń nátıjesinde birqatar áleýmettik mańyzy bar azyq-túlik túrleriniń baǵasy tómendedi dep habarlaıdy Qamshy aqparattyq agenttigi QR ASHM Baspasóz qyzmetine silteme jasap.

Atap aıtqanda, 2017 jyldyń birinshi jartyjyldyǵy úshin qıarǵa – 58,7 %, qyzanaqqa – 28,7 %, jumyrtqaǵa – 27%, qaraqumyq jarmasyna – 13,4 %, kúnbaǵys maıyna – 6,6 %, qantqa – 1,8 % tómendeýi belgilendi.

Ónim óndirýshilerden tikeleı tutynýshyǵa jármeńke arqyly naryqtaǵy baǵadan 10-15% tómen satylatyndaı jumystar jalǵasyn tabýda. Máslen, maýsym aıynyń basynda qatarynan 3200 jármeńke ótkizildi.

Budan bólek, jergilikti atqarýshy organdar men óndirýshiler arasynda azyq-túlik taýarlaryn bekitilgen baǵamen iske asyrýǵa qatysty, sondaı-aq, áleýmettik mańyzy bar azyq-túlik taýarlarynyń ústeme baǵasyn 10% asyrmaý úshin saýda sýbektilerimen memorandýmǵa qol qoıyldy.

Sholýshy: Ásem Álmuhanbet