Jýrnalıserdiń jumysyna kedergi keltiretinder keler jyldan bastap, qatań jazaǵa tartylady. Sondaı-aq balasyna alıment tóleýden bas tartqandar - buryn ákimshilik jazamen qutylyp ketse endi olardy da - qylmystyq jaýapkershilik kútip tur. Jol erejesin buzǵany úshin, aıyppulmen ǵana qutylatyn júrgizýshilerdiń de jazasy kúsheıtilmek, - dep habarlaıdy 31 arna.

Buǵan deıin ákimshilik jaýapkershiliktiń ózin quzyrly organnyń birneshe qaıtara eskertýimen, ses kórsetýimen áreń oryndaıtyndardyń keler jyldan bastap, eshkim basynan sıpamaıdy. Mysalǵa, ata-analyq mindetin atqara almaıtyndarǵa aıaýshylyq joq. Munyń bári - jańa kodekste bolatyn teris qylyq degen termınge táýeldi. 2015 jyldyń birinshi qańtarynan bastap, kúshine enetin kúsheıtilgen kodeks talaptaryn túsindirý jumystaryn Qarasaı aýdanynyń prokýrorlary alǵashqylardyń biri bolyp, bastap ketti.

Máselen, ákimshilik qamaýǵa alý 45 táýlik bolatyn edi, endi ol 30-dan 90 táýlikke deıin uzartylady. Bul ákimshilik qamaý emes, kerisinshe qylmystyq teris qylyq úshin qamaý bolyp tabylady. Sonymen qatar, qazirgi qoldanystaǵy zań boıynsha, kóligimen adam qaqqan júrgizýshi, jábirlenýshi taraptyń kóńilin tapsa, qylmystyq is qysqaryp jatady. Al, jańa zań boıynsha, júrgizýshige qatań jaza taǵaıyndalyp, is qysqartylmaıtyn bolady! Zań talabynyń bulaı kúsheıtilýi kóptiń kóńilinen shyǵyp jatyr.

"Bir ultty, qaıbir halyqty qurtý úshin, oǵan erkindik berý kerek" - degen danyshpandardyń sózi bar. Sondyqtan adamdarǵa erkindikti sheksiz berýge bolmaıdy!

Sondaı-aq, keler jyldan bastap, jýrnalıserdiń aqparat alýyna kedergi keltiretinderge de qatań jaza taǵaıyndalmaq. Iaǵnı, tilshi jumysyna bóget jasaıtyndar qylmystyq jaýapkershilikke tartylady.

Kez-kelgen taqyrypta, sol taqyrypty halyqqa jetkizý kerek! Ony kedergi keltirýge, bógeýge qaqysy joq dep oılaımyn.

Irına Sovetjanqyzy

Derekkóz: "31" arna