Bettegi ájim arqyly adamnyń minez-qulyq erekshelikterin baıqaýǵa,aıyrýǵa,tanýǵa bolatynyn ǵalymdar dáleldegen. Qamshy aqparattyq agentigi sonyń keıbir qupıalaryn ashyp bermek.
Kóńildilik - Aýyz ben kóz shetinde ornalasqan ájim syzyqtary kóńildi adamdardyń minez-qulqyn kórsetedi.
Qorqaqtyq - Ezýdiń eki jaǵyna taramdalǵan ájimder,ómirde qorǵan izdeıtin qorqaq adamdarǵa tán.
Qorshaǵan ortaǵa mán bere qaraıtyn adamdar - Ómirde usaq-túıekke kóp mán beretin adamdardyń kóziniń aınalasyna ájimder úıir-aq.Ony ne bolmasa «qaz taban»ájimder dep te ataıdy.
Adaldyq pen shynaıylyq - Eki qastyń ústine kóldeneń túsetin ájimder,minezinde adaldyq pen turaqtylyǵy basym adamdarǵa tán.
Zıalylyq - Eki kózdiń arasynda tereń ornalasqan ájimder zıaly adamdarǵa tán.
Aldy-artyn baıqaǵysh jáne keń peıildilik - Aldy-artyn baıyptaǵysh,meıirimdi,keń peıil adamdardyń mańdaıyna uzyn-uzyn kóldeneń ornalasqan ájimder tolady.Al aldyna qoıǵan maqsatyn tyndyra almaıtyn adamdardyń mańdaıyndaǵy ájimderi kóldeneńnen túsken qysqa jáne usaq bolady.
Túńilý - Qatty kúızelisten týatyn ájimder tez joǵalyp ketýi de múmkin,biraq ýaqyt ótken saıyn aıqyn kórinetin bolady.Bul ájimder murynnyń tómengi jaǵy men ezýdiń shetin jaılap jatady.Eger ájimder aýyzdan tómen qaraı,ıaǵnı ıekte ornalassa,ol-adamnyń densaýlyǵynyń buzylǵanynyń belgisi,ıa bolmasa bul-ómirden túńilgen adamǵa tán ájimder.
Alańdaýshylyq - Búkil betke jáne eki qastyń ústine qıǵash ornalasqan ájimder mazasyz adamdarǵa tán.
Ashýlanshaqtyq - Betinde úshburysh keıipindegi ájimder(ásirese eki ájimniń qosylǵan tusy úshkir bolsa)namysshyl,ashýlanshaq adamdarǵa tán.
Kúıgelektik - Ózimizge tanys mańdaıdaǵy úshkir ájimdermen qatar kózdiń aınalasyndaǵy jáne eki ezýden tómen qaraı baǵyttalǵan ájimder júıkesi tozǵan,jıi mazasyzdanatyn adamdarǵa tán.
Tańqalý - Kózderiniń tómengi jaǵyna kóldeneń ornalasqan adamdarda kóbinese aınalasyndaǵy ómir oqıǵalaryna tań qala qaraıtyn jandar bolyp keledi.
Nemquraılyq - Júzinde ájimi joq,betiniń eti bos,eki ezýiniń tusynda qos syzyǵy bar adamdar erinshek,aınalasyna nemquraıly qaraıtyn jandar bolyp keledi.
Sholýshy: Aqnur MUHTARHAN
