Semeıde oralmandardyń Qazaqstan zańdaryn bilýi turǵysyndaǵy bilimderin keńeıtýge kómektesý úshin aqparattyq-quqyqtyq materıaldardyń jınaǵy daıyndalyp, shyǵaryldy. Olar tegin taratylýda, dep habarlady qalanyń ishki saıasat basqarmasynan. Bul týraly QazAqparat jazdy.

BUU-nyń Damý baǵdarlamasynyń ókilderi «Inovasıalyq tásilderdi aımaqtyq josparlaýǵa engizip, halyqqa áleýmettik qyzmet kórsetý arqyly aımaqtyń básekege qabilettiligin arttyrý» jobasynyń aıasynda SHQO-ǵa turaqty túrde turýǵa kelgen oralmandardyń quqyqtyq saýattylyǵyn arttyrý boıynsha jumystar júrgizip jatyr. Bul quraldardy shyǵarý úshin «Semeı jastar Assambleıasy» qoǵamdyq birlestigimen tartylǵan magıstrler men zańger ǵalymdar ter tókti. Qazir alǵashqy alty broshúra jaryqqa shyqty. Onda atajurtyna oralǵandarǵa halyqtyń kóshi-qony, zeınetaqymen qamtamasyz etilýi, tutynýshylardyń quqyǵyn qorǵaý, memlekettik satyp alýlar, memlekettik áleýmetik tapsyrys salalaryndaǵy zańdary men Neke jáne otbasy týraly kodeks normalary túsindirilgen. «Biz bul kitapshalarly oralmandar óz betterinshe áleýetterin artyryp, týyndaǵan máselelerdi ózderi sheshe alýy úshin shyǵaryp otyrmyz. Zańdy bilmegennen adamdardyń quqyqtyq qatelikterge jol berip, keıin aqsha berip advokattarǵa júginý arqyly týyndaǵan máselelerin sheshetinderi jasyryn emes. Sondyqtan biz bul kitapshalar oralmandardyń qazaqstandyq qoǵamǵa áleýmettik-ekonomıkalyq turǵydan beıimdelýine septigin tıgizedi degen úmit artamyz», - deıdi qoǵamdyq birlestik tóraǵasy Maqsat Káribaev.