Qaraǵandy oblysynda shomylý maýsymy bastalǵaly 23 adam sýǵa ketken, onyń jeteýi bala. Kúnniń ystyǵynan jaǵajaıǵa keletin demalýshylar sany kún sanap artyp otyr dep habarlaıdy Qamshy.kz aqparat agenttigi 24.kz-ke silteme berip.
«Alaıda kópshiligi qarapaıym qaýipsizdik erejelerin saqtamaıdy», – deıdi qutqarýshylar. Qaýiptiń aldyn alý úshin tótenshe jaǵdaı qyzmetiniń mamandary sý qoımalarynda túsindirý jumystaryn júrgizgen. Buǵan qosa aptap ystyqtan dala órti de órship tur. Qazir tilsiz jaý shamamen 13 myń gektardaı aýmaqty jalmap úlgergen. Eki adam ajal qushty.
