QR Din isteri jáne azamattyq qoǵam vıse-mınıstri Berik Aryn «EKSPO-2017» halyqaralyq mamandandyrylǵan kórmesinde «Gana Respýblıkasynyń Ulttyq kúniniń» ashylý saltanatyna qatysty dep habarlaıdy Qamshy.kz aqparat agenttigi.
«Gana Respýblıkasynyń Ulttyq kúniniń» ashylýynda Din isteri jáne azamattyq qoǵam vıse-mınıstri Berik Aryn Gana memleketiniń Úkimetine «EKSPO-2017» kórmesin ótkizýde Astananyń kandıdatýrasyn qoldaǵany úshin alǵys bildirdi.
««EKSPO-2017» halyqaralyq kórmesin Astanada ótkizý bizdiń elimiz úshin asa jaýapty jáne mártebeli mısıa. Kórmeniń taqyryby energıa únemdeýdiń eń úzdik álemdik tehnologıalaryn, sondaı-aq balama energıa kózderin alýdyń jańa zerttemelerin tartýǵa múmkindik berip otyr. Bizde jańartylmaly energıa kózderin barynsha paıdalaný qaǵıdasyna negizdelgen «jasyl ekonomıkaǵa» ótý jumystary tabandy júrgizilýde» - dep atap ótti Berik Aryn.
İs-shara barasynda vıse-mınıstr Gana Respýblıkasynyń Ónerkásip jáne saýda mınıstriniń oranbasary Kıngslı Ahenkor jáne Reseı Federasıasy men Qazaqstan Respýblıkasyndaǵy Tótenshe jáne Ókiletti Elshisi laýazymyn qosa atqaratyn Kodzo Alabomen kezdesti.
Kezdesý barysynda eki el arasyndaǵy eki jaqty qatynastardy keńeıtý máseleleri talqylandy.
Ulttyq kúnniń resmı bóliginen keıin eki memlekettiń bıznes qaýymdastyq ókilderiniń qatysýymen bıznes-forým ótkizý josparlanǵan.
Aıta keteıik, aǵymdaǵy jyldyń 14 tamyz kúni Qazaqstan men Gana arasyndaǵy dıplomatıalyq qatynastardyń ornaǵanyna 25 jyl tolady. Gana Batys Afrıkadaǵy turaqty damýshy memleketterdiń biri sanalady.
