Sátpaev qalalyq soty Sátpaev ákimdigi ǵımaratynda janjal shyǵarǵan eki adamdy tutqyndaýǵa qatysty sheshim shyǵardy, dep jazady Qamshy.kz aqparat agenttigi. Bul týraly aqparat Sátpaev qalasy ákimdiginiń baspasóz qyzmetinde jarıalanǵan.

«Sot qaýlysymen Asqar Qoshanov pen Berik Jaǵyparov «Ákimshilik quqyq buzýshylyq týraly» kodekstiń 434-baby 1-bóligi boıynsha aıypty dep tanyldy, olarǵa bes táýlikke ákimshilik tutqyndaý túrinde jaza taǵaıyndaldy», - dep habarlady Sátpaev sotynyń baspasóz qyzmetinde.

Jazalanǵandardyń sheshimge shaǵymdanýy úshin on táýlik bar. Olar qaýly jarıalanǵannan keıin birden tutqyndaldy.

Eske sala keteıik, 11 shilde kúni Sátpaev qalasynyń ákimdiginde tóbeles boldy. Oqıǵa ákim orynbasaryna kelgen azamattardyń qabyldaýdan shyǵyp bara jatqan ýaqytta bolǵan. Derekterge sáıkes, ákimdiktegi qyzmetkerler azamatqa vıdeoǵa túsirgýe tyıym salǵan, alaıda azamattardyń ol talapty oryndamaýlarynyń saldarynan arada janjal týǵan. Sońynda tóbeleske ulasyp, ákimdik qyzmetkeri aýrýhanaǵa túsedi. 

Sholýshy: Gúlim Jaqan