Pavlodar qalasyndaǵy Toraıǵyrov kóshesi boıyndaǵy jataqhanadan túngi saǵat 12-de órt shyǵyp, 31 adam qaýipsiz jerge shyǵaryldy, dep habarlaıdy Qamshy.kz aqparat agenttigi pavlodarnews.kz málimetine súıenip.

Oblystyq tótenshe jaǵdaılar jónindegi departamenti aqparat bóliminiń habarlaýynsha, bes qabatty jataqhananyń úshinshi qabatynan tutanǵan órt ǵımarattyń 40 sharshy metr aýmaǵyn sharpyǵan.

 - Jataqhana bólmelerine kirgen ottan úı ishindegi kıimder, turmystyq tehnıkalar, aǵash edender janǵan deıdi, - mamandar.

– Oqıǵa ornyna jedel kelgen qutqarýshylar 31 adamdy qaýipsiz jerge shyǵardy. Onyń 12-si bala. Órtti sóndirýge tótenshe jaǵdaılar jónindegi departamentten bir tehnıka jáne úsh adam jumyldyryldy. Mamandardyń sózinshe, órt túngi saǵat 01:19 mınýt degende tolyqtaı sóndirilgen. Densaýlyǵy syr bergenderge medısına qyzmetkerleri sol jerde kómek kórsetti. Qazirgi tańda órttiń sebep-saldary men shyǵyn kólemi anyqtalýda.