Elordadaǵy «Dáýlet» sport kesheninde karate-dodan qurlyq birinshiligi ótip jatyr. EHRO-2017 halyqaralyq kórme aıasynda uıymdastyrylǵan chempıonatqa Azıanyń 27 elinen 700-ge tarta sportshy kelipti. Aldymen jasóspirimder men kadetter kezek aldy. Olar jarystyń ekinshi kúninde birneshe salmaq dárejesi boıynsha chempıondardy anyqtady dep habarlaıdy Qamshy.kz aqparat agenttigi 24.kz-ke silteme jasap. Qazaq eli úmit artqan Salaýat Bekarys 57 kelilik salmaqta qola júldeger atansa, 54 kelide óner kórsetken Amangúl Dúısenbaı da úshinshi oryn ıelendi.
Al Marat Azamat pen Sofıa Galımjanova fınalda óner kórsetti. Qazir karate-donyń dańqy shyǵyp tur. Óıtkeni shyǵys jekpe-jeginiń osy bir túri Olımpıada oıyndarynyń baǵdarlamasyna endi. 2020 jyly Tokıo tatamıinde tuńǵysh chempıon marapattalady. Al kesheli beri óz ónerlerin pash etken kadetter Býenos-Aıreste baıraǵy kóteriletin jasóspirimder olımpıadasyna upaı jınaýda.
