Qushaǵyńa qondyrdyń da biraq tún,
Eı, baýyrym, qyzdy nege jylattyń?!
Saýap emes, kúná jınap Qudaıdan, 
Jolyń qalaı suramaqsyń jumaqtyń? 
Keshe seni sanap júrgen tiregi,
Ol baıǵustyń jaraly endi júregi.
Úıindegi qaryndasyń sekildi, 
Ol qyz da bir shańyraqtyń gúli edi.
Tapqandaı bop bul ómirde serigin,
Saǵan ǵana artty bálkim senimin.
"Qyz degeniń aınalamda kóp qoı" dep,
Olaı qatty qatelespe, sen, inim!
Syıla oǵan ómirdiń bar shattyǵyn
Sebebi ol seniń ǵana aqqýyń!
Seni máńgi súıgendikten osylaı,
Saǵan ǵana arnaǵan ǵoı páktigin...
Beıkúná qyz jasqa tolyp janary,
Taýsyldy ǵoı boıyndaǵy amaly...
Qyz ǵumyrdyń tas-talqanyn shyǵardyń! 
Al, ol seni qorǵanyna balady.
Qınalýda tappaı ómir sheshimin, 
Óz qolyńmen ashshy baqyt esigin!
Sen ol úshin jalǵyzsyń ǵoı, sondyqtan, 
Kishireıip sura búgin keshirim! 
Senimdimin! Baqyt syılap tań aldan,
Sol qyzyńmen oryndalar bar arman!
Seni súıse, kókirekti kóterme, 
Qyzdar degen súıý úshin jaralǵan!