Reseıdiń Ankaradaǵy elshiligi Túrkıada joǵalǵan reseılik otbasy týraly málimet izdep jatyr. Bul týraly Qamshy.kz aqparat agenttigi  Izvestıa basylymyna silteme jasap habarlaıdy.

Túrkıada joǵalyp ketken Saratov qalasynyń turǵyndary: Svetlana Ýhanova men onyń azamattyq nekedegi kúıeýi Evgenıı Kochaarı men  eki qyzy Sırıaǵa qashpaqshy bolǵan.

Olar Túrkıa-Sırıa shekarasynda ustalǵan. Reseılik otbasyny Sırıadaǵy radıkaldy toptarǵa qosylmaq bolǵany úshin aıyptap jatyr. Olar 1 aıdyń kóleminde ózderi týraly habar bermeı ketken. Áıeldiń buryńǵy kúıeýi olardy izdestirip elshilikke habarlasqan.

Áıel óz otbasymen Túrkıa-Sırıa shekarasyn jalǵan qujattarmen ótpekshi bolǵan kezde ustalǵan. Jaqyndarynyń aıtýy boıynsha, sońǵy ýaqyttary Svetlananyń minez-qulqy ózgerip ketken, ol ıslamdy qabyldap dinniń radıkaldy aǵymdaryna qyzyǵýshylyq tanytyp júrgen. 

Qazirgi ýaqytta Reseı elshiligi azamattardyń ustalǵany týraly málimetti tekserip jatyr.