Aıdyn Qulseıitov QR Prezıdenti Ákimshiliginiń Strategıalyq ázirlemeler jáne taldaý ortalyǵynyń meńgerýshisi qyzmetine taǵaıyndaldy, - dep habarlaıdy Qamshy.kz aqparattyq agenttigi  Aqordaǵa silteme jasap.

«Memleket basshysynyń Ókimimen Aıdyn Jeńisuly Qulseıitov Qazaqstan Respýblıkasy Prezıdenti Ákimshiliginiń Strategıalyq ázirlemeler jáne taldaý ortalyǵynyń meńgerýshisi qyzmetine taǵaıyndaldy», - delingen Aqordanyń saıtynda.

Sonymen qatar, Memleket basshysynyń Ókimimen Aıana Toqtaǵanqyzy Manasovanyń basqa jumysqa aýysýyna baılanysty Qazaqstan Respýblıkasy Prezıdenti Ákimshiliginiń Strategıalyq ázirlemeler jáne taldaý ortalyǵynyń meńgerýshisi qyzmetinen bosatylǵany habarlandy. Aıdyn Jeńisuly Qulseıitov - 1976 jyly 9 shildede Óskemen qalasynda dúnıege kelgen. Shyǵys Qazaqstan memlekettik tehnıkalyq ýnıversıtetin, Qazaqstan Respýblıkasy Prezıdenti janyndaǵy Memlekettik qyzmet akademıasyn bitirgen. Jarnama jónindegi agent, "Janna" JSHS-niń menedjeri bolyp qyzmet atqarǵan.

1997-1999 jyldary - "Olja" JSHS-niń bas menedjeri, dırektorynyń orynbasary. 1999-2000 jyldary - "Latıfa" JSHS-niń bas dırektory. 2000-2003 jyldary - Óskemen qalalyq Indýstrıa, ekologıa jáne baılanys bóliminiń bas mamany, bólim bastyǵy. 2004-2008 jyldary - Qazaqstan Respýblıkasy Indýstrıa jáne saýda mınıstrligi Strategıalyq josparlaý jáne jıyntyq taldaý departamenti dırektory, bólim bastyǵy, basqarma bastyǵy, Indýstrıaldy saıasat departamentiniń dırektory. 2008 jyly - Qazaqstan Respýblıkasy Energetıka jáne mıneraldy resýrstar mınıstrligi Strategıalyq josparlaý jáne salaaralyq retteý departamentiniń dırektory.

 2008-2009 jyldary - Qazaqstan Respýblıkasy Prezıdenti Ákimshiligi Áleýmettik-ekonomıkalyq monıtorıń bólim meńgerýshisiniń orynbasary. 2009-2012 jyldary "Ulttyq ınovasıalyq qor" AQ Basqarma tóraǵasy. 2012 jyldyń mamyr aıynan 2014 jyldyń mamyryna deıin "Tehnologıalyq damý jónindegi ulttyq agenttik" AQ Basqarmasynyń tóraǵasy boldy.

Sholýshy: Ásel Bolatqyzy