Qazaqstan Respýblıkasy Syrtqy ister mınıstri Qaırat Ábdirahmanov Birikken Arab Ámirlikteriniń Densaýlyq saqtaý jáne áleýmettik qorǵaý mınıstri Abdýlrahman ál-Ýeısti qabyldady dep habarlaıdy Qamshy.kz  aqparat agenttigi Qazaqstan Respýblıkasynyń Syrtqy ister mınıstrliginiń resmı saıtyna silteme dasaı otyryp.

Suhbattastar Prezıdent N.Á. Nazarbaevtyń qańtarda jáne naýryzda Ábý-Dábı men Dýbaıǵa jasaǵan saparlarynyń, sondaı-aq osy jyldyń mamyrynda BAÁ syrtqysaıası vedomstvosy basshysynyń Astanaǵa saparynyń qorytyndylary mán-mátinindegi Qazaqstan-Ámirlikter yntymaqtastyǵynyń aǵymdaǵy jaǵdaıyn talqylady. Suhbattastardyń pikiri boıynsha eki memlekette de áriptestikti, onyń ishinde kólik ınfraqurylymy, aýyl sharýashylyǵy, densaýlyq saqtaý, mádenıet almasý salasyndaǵy áriptestikti odan ári nyǵaıtý úshin keń múmkindikter bar. BAÁ «EKSPO-2017» kórmesine belsendi túrde qatysýda jáne «Astana» halyqaralyq qarjy ortalyǵyn damytýdaǵy ózara is-qımyl ózekti mańyzǵa ıe bolyp otyr.

Sondaı-aq Qatardyń aınalasyndaǵy jaǵdaı, ıslam memleketteri ishindegi perspektıvalyq jaqyndasý, óńirlik shıelenisterdi retteý, sondaı-aq terorızm men ekstremızmge qarsy is-qımyl týraly pikir almasyldy.

Q. Ábdirahmanovtyń pikirinshe, Qazaqstan BAÁ, Saýd Arabıasy men Qatardy qosa alǵanda, barlyq arab elderimen dostyq qatynastar ornatty. Mınıstr baýyrlas elder óz halyqtarynyń ıgiligi úshin kelispeýshilikterdi jeńetinine jáne dıalog arqyly daǵdarysty retteı alatynyna senimin bildirdi.