Astanadaǵy «Highvill» turǵyn úı keshenindegi órtten Nazarbaev Ýnıversıtetiniń Medısına mektebiniń profesory qaza tapqan, dep habarlaıdy Qamshy.kz aqparat agenttigi JOO-nyń baspasóz qyzmetine silteme jasaı otyryp.
«Nazarbaev Ýnıversıtetiniń Medısına mektebiniń profesory Kehınde Ilaıdja (Nıgerıa) men onyń otbasynyń (áıeli - Fýnmı Kehınde (Ulybrıtanıa) jáne eki qyzy Modjoın Kehınde (18 jas) men Greıs Kehınde (8 jas) qaza bolǵanyn qaıǵymen habarlaımyz», - delingen taralǵan habarlamada.
Ýnıversıtet ókilderiniń aıtýynsha, Kehınde Ilaıdja Nazarbaev Ýnıversıtetiniń Medısına mektebinde 2016 jyldyń maýsymynan beri jumys istegen. Ol Ulybrıtanıadaǵy Lester ýnıversıtetinde medısına doktory dárejesin alǵan jáne Nıgerıa, Oman, Kýveıt jáne Ulybrıtanıa elderinde medısına salasynda 40 jyldan asa ǵylymı-zertteý men muǵalim qyzmetin atqarǵan. Osy jyldar boıynda ol jeti ǵylymı-zertteý grantynyń ıegeri bolǵan. "Nazarbaev Ýnıversıtetiniń basshylyǵy men ujymy orny tolmas qazaǵa baılanysty profesordyń týystaryna, dostaryna jáne jaqyndaryna kóńil aıtady", - delingen JOO habarlamasynda.
