Mılan bıligi qoǵamdyq oryndarda selfı taıaqshalaryn, sonymen qatar shyny ydystardy qoldanýǵa tyıym saldy dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.

 Jarlyqqa sáıkes, shetelden kelgen týrıserge, jergilikti turǵyndarǵa da «kez kelgen shyny bótelkelerdi, konteınerlerdi, sondaı-aq otshashý jáne selfı taıaqshalaryn ustap júrýge, olardy jerge qoıýǵa» tyıym salyndy. Taǵy aıta ketetini jyljymaly saýda men kóshede tamaq  satýǵa da ruqsat joq. Mılan bıligi mundaı qadamǵa qalanyń tazalyǵyn saqtaý úshin baryp otyr.Aqparat quraldarynyń málimetine  sáıkes, bul ereje 13 tamyzǵa deıin engizilgen. Degenmen shahar ákimshiligi, qajet bolǵan jaǵdaıda, talap merzimin uzartýy múmkin ekendikterin joqqa shyǵarmaıdy.

Sholýshy: Aqnur MUHTARHAN