«Donesk halyq respýblıkasynyń» basshysy Aleksandr Zaharchenko Ýkraınanyń ómiri toqtap, ornyna jańa memleket – kishi Reseı qurylǵanyn málim etti, dep habarlaıdy Bı-bı-sı orys jańalyqtar qyzmeti. Zaharchenkonyń aıtýynsha, memlekettiń astanasy Donesk bolady, al Kıev qarapaıym qalaǵa aınalady.

Zaharchenkonyń seısenbi kúni jasalǵan málimdemesin aqparattyq agenttikter kishi Reeıdiń qurylǵanyna ne sebep bolǵanyn anyqtamaı jatyp habarlaı jóneldi.

«Bizdiń oıymyzsha, Ýkraına memleketin qalpyna keltirý múmkin emes», - dep jazypty jergilikti basylymdardyń biri.

«Ýkraınanyń mırasqory bolatyn» jańa memlekettiń qurylǵany jóninde Zaharchenko «Qyrymnan ózge, Ýkraınanyń burynǵy aımaqtarynyń» atynan málimdedi. «Ýkraına degen attyń ózi memlekettiń bedelin túsiredi» dedi ol.

Memlekettiń astanasy 2014 jyldan beri Ýkraına bıligine qarsy kúres júrgizýde qoldanylǵan qarýlar baqylanatyn Donesk bolýy tıis degendi de aıtty. Al Kıev tarıhı-mádenı ortalyq bolyp qalady.

Donesk aqparattyq agenttigi  kishi Reseıge shyn máninde Ýkraınanyń 19 aýdany kiretinin anyqtaý ústinde. Memlekettik tý retinde Bogdan Hmelnıskıdiń týy usynylǵan eken.

Sondaı-aq, Zaharchenkonyń aıtýynsha, Donesk halyq respýblıkasy men Lýgansk halyq respýblıkalary Ýkraınadaǵy «zańdy bılik» saqtalǵan jalǵyz aýdandar.

Zaharchenkonyń atalmysh málimdemesine Ýkraına prezıdenti Petr Poroshenko pikir bildirgen.

«Jańa Reseı» jobasy iske apaǵan. Ýkraına Donbas pen Qyrymda óz egemendigin qalpyna keltiredi», dep pikir bildirdi Poroshenko tvıtterdegi paraqshasyna.

Al Máskeý Zaharchenkonyń málimdemesin nazardan tys qaldyrmady: bul mınsktik kelisimder turǵysynan túsinispeýshilikterdiń týyndaýyna ákelip soǵýy múmkin, dedi Memlekettik Dýma TMD isteri jónindegi komıtet basshysy Leonıd Kalashnıkov. Aıta keteıik, bul Reseıdiń Donesk basshysynyń málimdemesine pikir bildirgen alǵashqy jaǵdaı.  

Al Lýgansk halyq respýblıkasy kishi Reseı jobasyna qatysy baryn joqqa shyǵardy. Jergilikti halyq keńesiniń basyshysy LHR-nyń Doneskige resmı delegattaryn jibermegenin aıtady.

«Onyń ústine, biz sharanyń ótýi jaıynda habardar emespiz. Bizben eshqandaı kelisim jasalǵan joq», dedi Lýgansk bıliginiń ókili.