Ál-Farabı atyndaǵy QazUÝ-da jyl saıyn birneshe stýdenttik jobalar júzege asyrylyp keledi. Solardyń biri QazUÝ – dyń «Ana tili» gazetimen birlesken jobasy «Ana tili» arýy» jáne «Jigit sultany» baıqaýy. Bıylǵy baıqaý da óz sán-saltanatymen erekshe umytylmas sátterge toly boldy. Ár fakúltetten qatysqan ónerli órenderge «Ana tili» respýblıkalyq gazetiniń bas redaktory orynbasary Nurperzent Dombaı bastaǵan top qazylyq etti. Sonymen qatar ádil-qazylar alqasynyń quramynda QR eńbek sińirgen qaıratkeri «Qurmet», «Parasat» ordenderiniń ıegeri, ánshi Maıra İlıasova, prodúser Alýa Qonarova, «Brosh» brendiniń negizin qalaýshy, dızaıner Olga Kım, ánshi, kompozıtor Alı Oqapov, akter, telejúrgizýshi Táýekel Múslim, aqyn Talant Arynǵalı, ulttyq brend dızaıneri Jumaǵalıev Múslim, «Ushar bı» tobynyń jetekshisi, horegraf Qyrǵyzbaeva Maqpal Muratqyzy, dızaıner Asel Abdýganı boldy.

Baıqaýdyń negizi uıymdastyrýshysy Stýdentterdiń Senat uıymy. Baıqaýdyń aqtyq synyna deıin eki irikteý kezeńi ótip, birinshi kezeńge ýnıversıtetimizdiń 300-ge jýyq ul-qyzdary ótinish bildirip, olardyń 90-y ekinshi kezeńge ótken. Eń ónerli, talantty, bilimdi degen 8 jup tańdalyp alynǵan. Baıqaý tanystyrý, sán defılesi jáne suraq-jaýap saıysy, óner saıysy, «Be Free» kıim úlgisin kórsetý sıaqty tórt kezeńdi qamtydy. Sonymen qatar «Ana tili» arýy» «Jigit sultany» baıqaýynyń tamasha ótýine qoldaý kórsetken demeýshilerdi erekshe ataýǵa bolady. Olar: «Rıts Palas» saýda ortalyǵy, «Brosh» aksesýarlar galereıasy, «Suńqar» stýdentter kásipodaǵy, «Belaıa Orhıdeıa» gúlder dúkeni, Kýanysh Iýldashev fotostýdıasy, «Sanıameıkap» stýdıasy, «Perfect Models» modeldik ortalyǵy, «Nekafe» meıramhanalar jelisi, dızaıner «Mýkajan», «Befree» kıimder dúkeni, QR Birinshi Prezıdent Ipodromy, «The gentleman» jańa kıim úlgisi, Múslim Jumaǵalıevtiń ulttyq dızaınerlik kıim úlgileri boldy.

Baıqaýdyń barlyq kezeńderinen súrinbeı ótken jeńimpazdardyń qaı-qaısysy da júldesiz, syı-syıapatsyz qalmady. Barlyq arý, sultandar óz ónerlerimen kórermendi tánti etti. Ásirese, zań fakúltetiniń stýdenti Poshaev Azamat pen fılosofıa jáne saıasattaný fakúltetiniń stýdenti Sársembaı Shyraılymnyń «Ana týraly ańyz» sahnalyq kórinisi, geografıa jáne tabıǵatty paıdalaný fakúltetiniń stýdenti Moldash Gúlzattyń «Sarbazdar» áni, jýrnalısıka fakúltetiniń stýdenti Ábdiqadir Eńlik Sh.Aıtmatovtyń «Qyzyl oramal shynarym» qoıylymynan qoıǵan úzindisi, atalǵan fakúltettiń stýdenti Qabdoldanov Álisherdiń «Anaǵa hat» qoılymy, fılologıa ádebıettaný jáne álem tilderi fakúltetiniń arýy Ábdimanap Madınanyń «Azat eldiń arýy» shyǵarmasy, fılosofıa jáne saıasattaný fakúltetiniń stýdenti Jubanyshov Aqnıet sýyryp salma óneri halyqtyń rızashylyǵyna bólendi.

Sonymen baıqaý qorytyndysy boıynsha «Brosh» arýy tarıh arheologıa jáne etnologıa fakúltetinen Qadirǵalıeva Gúlmarjan, «Perfect Models» arýy Halyqaralyq qatynastar fakúltetinen Dıqanbaeva Ásıa laıyqty dep tanyldy. Júldeli 2-oryn fızıka-tehnıkalyq fakúltetinen Kópbaı Qymbat pen Baekeshev Nurdáýletke buıyrdy. Al, 1-oryn fılologıa ádebıettaný jáne álem tilderi fakúltetinen Ábdimanap Madına men jýrnalısıka fakúltetinen Qabdoldanov Álisher ıelendi. Baıqaýdyń bas júlde ıegerleri jýrnalısıka fakúltetiniń stýdenti Ábdiqadir Eńlik «Ana tili» arýy», fılosofıa jáne saıasattaný fakúltetiniń stýdenti Jubanyshov Aqnıet «Jigit sultany» atandy. Baıqaýdyń ádil-qazylar alqasynyń múshesi Maıra İlıasova apaıymyz aıtqandaı: «Sizder barlyq ataqqa laıyqsyzdar, sizderdiń árqaısysyńyz bas júlde ıegerisizder!». Sondyqtan barlyq ónerleri óristi jeńimpazdarymyzǵa bolashaqta da bıik belesterdi baǵyndyra berińizder demekpiz!

Áıgerim Álimjan, Baspasóz jáne elektrondy BAQ kafedrasy meńgerýshisiniń orynbasary, aǵa oqytýshy