Túrkıada alǵash ret rejıssser Qalıla Omarovtyń «Alashorda» atty derekti fılmi kórermen nazaryna usynyldy. Konıa qalasynda iske asqan atalmysh is-shara «Ankara Qazaq jastary» birlestiginiń jetekshisi Myrzahan Baıjanulynyń atsalysýymen jáne Konıa qalasyndaǵy «Alash jastary» ıntellektýaldyq klýbynyń uıymdastyrýymen júzege asty.

Kınorejısser-dokýmentalıst Qalıla Omarovpen kezdesýde rejıser Alash arystarynyń ómirinen biz bilmeıtin qyzyqty málimettermen bólise otyryp, «Alash jastary» ıntellektýaldyq klýbymen kezdeskenine, «Alashorda» fılminiń alǵash ret shetelde kórsetilgenine qýanyshyn bildirdi. Qazaq múddesi úshin bir maqsatta bas qosqan Alty Alashtyń uldarynyń tarıhyn baıandaıtyn, Stalındik repressıanyń jazyqsyz qurbany bolǵan Alash zıalylarynyń ómirinen syr shertken «Alashorda» derekti fılmi kórermenge úlken áser qaldyrdy. Kezdesý barysynda «Alash jastarynyń» múshesi Erjan Arqabaevtyń oryndaýynda «Alash» kúıi syıǵa tartyldy.

Qazaq tarıhyn kıno tilimen sóıletken rejıser Qalıla aǵamyzǵa kezdesý sońynda «Alash jastary» ıntellektýaldyq klýby atynan saýǵa jáne alǵys hat berildi.

Sarpekova Aıgerim, «Alash jastary» ıntelleklýaldyq klýby, aqparat bólimi múshesi